“!Halo i kam long Indonesia!” Fren, Novemba 2023, 18–19.
Halo i kam long Indonesia!
Lanem abaot ol pikinini blong Papa long Heven long evri ples raon long wol.
Indonesia i wan kantri long Saotis Esia. !Hem i gat ova long 17,000 aelan! Samples 280 milian pipol oli laef longwe.
Wan Jos We I Stap Kam Antap
Presiden Russell M. Nelson i bin visitim ol memba long kapitol siti, Jakarta, long 2019. Mo long Epril 2023 jeneral konfrens, hem i anaonsem se bae oli !bildim wan tempol long ples ia!
Ol Ples blong Wosipim
Indonesia i gat bigfala ples blong prea blong Ol Muslim we i bitim ol nara ples long Saotis Esia. Mo tu, hem i gat bigfala tempol blong Buda we i bitim ol nara ples raon long wol.
!Wan Blu Volkeno!
Indonesia i gat moa volkeno we oli stap laef bitim eni narafala kantri. Kawah Ijen volkeno i gat blu faea we man i save luk long naet.
?Yu Save Toktok long Lanwis blong Mi?
Lanwis Indonesia i ofisol lanwis blong olgeta. !Be i gat ova long 700 lanwis we oli toktok long olgeta long Indonesia! Moto blong kantri blong olgeta i minim “I gat plante, be yet oli wan” blong soem se oli wok wan.
Hom blong Ol Drakon
Ol Komodo drakon oli ol bigfala lised we i bitim ol narawan long wol. !Oli save gro longfala kasem 3 mita!
Ol pikja i kam long Conner Gillette