“Naesfala Plan blong Papa long Heven,” Fren, Novemba. 2023, 2–3.
Wan Konfrens Mesej we i kam long Profet
Naesfala Plan blong Papa long Heven
Oli karemaot long “!Tingting Selestial!” Liahona, Novemba. 2023, 115–17.
Plan blong Papa long Heven blong yumi i naes tumas. Wanem we yumi mekem long laef ia, i gat mining mo i impoten. Atonmen blong Sevya i wanem we i mekem plan blong Papa God i posibol.
Sevya i bin safa mekem se Hem i save kamfotem yumi, hilim yumi, mo sevem yumi long taem we yumi stap long nid. From Atonmen blong Jisas Kraes we i no gat en, plan blong Papa blong yumi long Heven i wan plan we i stret gud evriwan! I letem wanwan long yumi blong jusum olsem wanem bae yumi laef.
Mi invaetem yu blong stat blong “!tingting selestial”! Taem yu gat wan problem, !tingting selestial! Taem yu kasem temtesen, !tingting selestial! Taem laef o olgeta we yu lavem i putum yu daon, !tingting selestial!
Taem yu tingting selestial, bae yu wantem blong prea moa oltaem mo wetem tru hat. Bae yu luk ol hadtaem long wan niu wei. Taem yu tingting selestial, bae fet blong yu i kam antap.
God i stap laef. Jisas Hem I Kraes. Jos ia blong Hem i bin kambak blong blesem evri pikinini blong God.
!Tingting Selestial!
Presiden Nelson i tijim se blong stap tingting selestial, i save helpem yumi blong mekem ol gudfala joes. Long wanwan san, droem o raetem wanem yu save mekem blong folem eksampol blong Sevya.
Kam long Jisas, i kam long Michael Malm