Ol Not blong Konfrens

Help we i kam long Tabu Spirit

Presiden Eyring i talem se taem hem i ridim stori blong Nifae we hem i bin go karem ol gol buk long Leban, i leftemap tingting blong hem. Nifae i no bin save stret wanem blong mekem, be Tabu Spirit i bin lidim hem ful taem ia. Taem Lod i askem yumi blong mekem wan samting we i had, Tabu Spirit bae i helpem yumi tu.

Hemia i tijim mi:

Tingbaot Huia Yu

Elda Stevenson i invaetem yumi blong stop smol evri taem yumi lukluk yumiwan long mira mo talem, “!Wao, traem luk mi! !Mi mi naes tumas! !Mi wan pikinini blong God! !Hem i save mi! !Hem i lavem mi!” Blong stap mekem hemia bae i helpem yumi blong tingbaot huia yumi mo olsem wanem Papa God mo Tabu Spirit i save helpem yumi.

Hemia i tijim mi:

Fet long Jisas Kraes

Elda Costa i serem stori blong Jisas taem Hem i mekem strong win mo wota i kam kwaet. Yumi evriwan i gat ol strong win mo wota, o ol jalenj, long laef we oli had. Be bae yumi neva go tru long olgeta yumiwan. Blong gat fet long Jisas Kraes bae i givim yumi paoa mo pis ia we yumi nidim blong go tru eni hadtaem.

Hemia i tijim mi:

Wokbaot long Rod Ia wetem Hem

Presiden Freeman i talem wan stori abaot taem we hem i bin go long wan spesel wokbaot, nomata we leg blong hem i gat kil. Hem i no save wokbaot long wokbaot ia hemwan, mekem se tua gaed i helpem hem. Semmak olsem tua gaed blong Presiden Freeman, Jisas Kraes bae i helpem yumi wetem eni jalenj, taem yumi traehad blong kipim ol kavenan blong yumi.

Hemia i tijim mi:

Pikja droing i kam long Josh Talbot