Imong Sinulat

Mga Lubi ug Ikapulo

Ni Avehei M., edad 11, Tahiti, French Polynesia

alt text

Kumusta! Ako si Avehei. Ako nagpuyo sa Tahiti! Sa akong isla, ganahan ko nga anaa sa gawas. Mag-hike ko ug molangoy sa mga suba o sa dagat. Malingaw usab ko nga mobuhat sa mga butang kauban sa akong pamilya. Ganahan ko nga magluto, magdula og mga kard, ug mag-hike. Ganahan ko magdula og bola ug mosaka sa mga punoan sa kahoy uban sa akong igsoong lalaki ug mga ig-agaw.

Atol sa walay klase sa ting-init, makigtambayayong ko sa akong igsoong lalaki diha sa kalubihan. Kami mopundok sa mga lubi ug ibutang kini sa dakong tapok. Kami mopundok usab sa mga dahon nga laya aron ang kalubihan magpabilin nga limpyo.

alt text

Ang among apohan sa tuhod mosuhol kanamo kon kami motrabaho sa kalubihan. Kanunay ko nga mobayad og ikapulo sa kwarta nga akong madawat. Nakat-on ko gikan sa akong pamilya ug magtutudlo sa klase sa Primary kon unsaon sa pagbayad og ikapulo.

Ako mobayad sa ikapulo tungod kay ako nasayod nga ang akong pamilya ug ako mapanalanginan kon ako motuman. Ako napanalanginan uban sa akong pamilya, og usa ka balay, ug usa ka maanindot nga kalibotan sa akong palibot.

Ako mopamatuod nga ang Dios buhi ug Siya nahigugma kanato. Ako nagpasalamat sa Langitnong Amahan alang sa akong pamilya nga Iyang gihatag kanako.

alt text

Unsa Ang Ikapulo?

Ang mga sakop sa Simbahan mopakigbahin sa ikapulo sa ilang kinitaan diha sa Simbahan sa Dios. Ang atong kwarta sa ikapulo makatabang sa pagtukod og mga templo ug mga simbahan ug makatabang sa mga tawo nga nanginahanglan. Ang ikapulo mao ang paagi nga kita mopakigbahin sa atong mga panalangin sa uban. Gihatag sa Dios kanato kining sugo sa dugay nang panahon, atol sa mga panahon sa Daang Tugon (tan-awa sa Genesis 14:18–20). Ang pagbayad sa ikapulo mao ang usa ka paagi sa pagpakita sa atong gugma sa Langitnong Amahan.

alt text here