“Dali, Sunod Kanako nga mga Kalihokan,” Higala, Nob. 2023, 10–11.
Dali, Sunod Kanako nga mga Kalihokan
Alang sa home evening o pagtuon sa kasulatan—o lingaw-lingaw lamang!
Si Jesukristo Mao ang Atong Giya
Alang sa Mga Hebreo 1–6
Mga paghulagway pinaagi ni Katy Dockrill
Istorya: Si Jesukristo mao “ang nagdala sa [atong] kaluwasan” (Mga Hebreo 2:10). Usa ka kapitan nga naggiya sa usa ka barko diha sa dagat. Si Jesus makagiya usab kanato ngadto sa langit aron kita makapuyo uban Kaniya ugma damlag!
Awit: “Nagkinahanglan Ko Nimo sa Matag Takna” (Mga Himno, nu. 54)
Kalihokan: Pagdrowing og usa ka hulagway sa usa ka barko diha sa mga balod. Dayon pagsulat o paghisgot mahitungod sa mga paagi nga ikaw makasunod ni Jesukristo. Sa unsang paagi Siya mogiya kanimo sa imong kinabuhi?
Mga Bayani sa Hugot nga Pagtuo
Alang sa Mga Hebreo 7–13
Istorya: Gisulti diha sa mga kasulatan nga ang hugot nga pagtuo nagpasabot nga motuo sa mga butang nga dili nimo makita (tan-awa sa Mga Hebreo 11:1). Sa Mga Hebreo 11 gisugilon ang mga istorya kabahin sa daghang tawo nga nagbaton og hugot nga pagtuo. Ang pagbaton og hugot nga pagtuo diha ni Jesukristo naghatag kanato og kalinaw ug kaisog.
Awit: “Hugot nga Pagtuo” (Songbook sa mga Bata, 50)
Kalihokan: Magpulipuli sa pagpili og usa ka bayani sa kasulatan gikan sa Mga Hebreo 11. Ang tanan mangutana aron matag-anan ang bayani. Unsaon ninyo pagbaton og hugot nga pagtuo sama sa mga tawo diha sa mga kasulatan?
Sagudsod [Shuffle] nga Pagserbisyo
Alang sa Santiago
Istorya: Ang Apostol nga si Santiago nagtudlo nga kita kinahanglan motabang niadtong nanginahanglan (tan-awa sa Santiago 1:27). Kinsa ang nagkinahanglan sa inyong tabang?
Awit: “Kon Kita Motabang” (Songbook sa mga Bata, 108)
Kalihokan: Magpalumba! Pagbutang og sinugdanan ug daoganan nga linya. Dayon moabante ngadto daoganan nga linya nga ipadailos ang inyong mga tiil nga dili kini alsahon. Ang modaog sa lumba magpili og usa ka yano nga buhat sa pagserbisyo aron buhaton sa grupo, sama sa pagpadala og mabination nga mensahe ngadto sa usa ka tawo o pagbisita sa usa ka tawo kinsa nag-inusara.
Tabang alang sa Atong mga Katigulangan
Alang sa 1 ug 2 Pedro
Sugilanon: Ang atong mga katigulangan makakat-on mahitungod sa ebanghelyo human sila mamatay (tan-awa sa 1 Pedro 4:6). Diha sa templo, kita mabunyagan alang kanila ug motabang kanila nga mosunod ni Jesukristo!
Awit: “Family History—Naghimo Ako” (Songbook sa mga Bata,100)
Kalihokan: Paggamit og mga bloke o mga cube nga asukal aron sa pagtukod og usa ka templo. Unsaon nimo pag-andam sa pagsulod sa templo?
Paghatag og Gugma
Alang sa 1–3 Juan; Judas
Sugilanon: Ang Langitnong Amahan nahigugma kanatong tanan! Ang apostol nga si Juan nagtudlo kanato sa paghigugma usab sa uban (tan-awa sa 1 Juan 4:19, 21). Unsaon ninyo sa pagpakita og gugma ngadto sa uban?
Awit: “Kon Asa ang Gugma” (Songbook sa mga Bata, 76–77)
Kalihokan: Paklia ang pahina 12 aron magbuhat og hinimo sa papel nga kasingkasing. Dayon ihatag ang mga kasingkasing ngadto sa mga tawo nga imong gimahal!