Makalingaw nga Buhaton

Andam, Plastar, Larga!

alt text here

Mga paghulagway pinaagi ni Colleen Madden

Ania ang pipila ka mga butang nga inyong mahimo aron matabangan kamo nga maandam alang sa Young Women o Young Men. Makahimo ba kamo og upat sa usa ka laray?

• Paghimo og usa ka bookmark alang sa imong kasulatan.

• Pakig-istorya og usa ka tawo kinsa lagmit naguol mahitungod sa pagbiya sa Primary.

• Pagbitay og usa ka kasulatan nga imong gusto diha sa panimalay.

• Pagpakigbahin sa imong pagpamatuod ngadto sa usa ka tawo.

• Pangayo sa imong bishop o presidente sa branch og kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili.

• Pag-adorno og usa ka notebook aron dad-on sa klase.

• Bakanting Luna

• Pagsulat og usa ka mubo nga sulat sa pagpasalamat ngadto sa usa ka magtutudlo sa Primary.

• Basaha ang mga pangutana sa interbiyo sa rekomend sa templo. (Imo kining makita diha sa pahina 37 sa Nobyembre 2022 nga Higala.)

• Pangutana og usa ka tawo kon unsa kaha ang maanaa sa Young Men o Young Women.

• Mohangyo og usa ka klasmeyt nga ubanan ka ngadto sa imong bag-o nga klase.

• Pagsulat kon unsa ang imong gilantaw diha sa Young Women o Young Men.

• Makighimamat sa usa ka lider gikan sa Young Women o Young Men.

• Pagsulat og tulo ka mga butang nga gusto nimong makat-onan diha sa Young Men o Young Women.

• Pagbasa og mga artikulo sa Alang sa Kalig-on sa mga Kabatan-onan nga magasin.

• Pangutana sa inyong bag-ong lider mahitungod sa mga kalihokan sa klase. Isulat kini sa imong kalendaryo!

Mopadayon Ngadto sa Young Men ug Young Women

Mag-12 ka na ba sa sunod tuig? Aniay pipila ka butang nga angayng ikahinangop!

Usa ka Bag-o nga Magasin

Ang Alang sa Kalig-on sa mga Kabatan-onan nga magasin sama sa Higala apan alang sa Young Men ug Young Women! Puno kini sa mga istorya mahitungod sa kabatan-onan sa tibuok kalibotan.

Usa ka Giya sa Paghimo og mga Pagpili

Alang sa Kalig-on sa mga Kabatan-onan: Usa ka Giya alang sa Paghimo og mga Pagpili usa ka booklet nga makatabang kanimo sa pagpili og matarong. Kini adunay mga pangutana ug mga tubag aron makatabang kanimo sa pagsunod ni Jesukristo ug maandam sa pag-adto sa templo.

Dugang pa nga mga Kalihokan

Sa Young Women ug Young Men, makahimo ka og makalingaw nga mga kalihokan kauban sa uban nga kabatan-onan sa inyong ward o branch. Makapadayon usab ka sa paghimo og mga tumong alang sa programa sa mga Bata ug Kabatan-onan aron makakat-on og bag-ong mga butang ug maningkamot sa pagpalambo sa imong mga talento.