Dali, Sunod Kanako nga mga Kalihokan alang sa Gagmay nga mga Bata

Alang sa Mga Hebreo 1–6

Alt text

Kunohay nagkauban kamo sa paglawig sa usa ka barko. Unsaon man ninyo pagkahibalo kon asa kamo padulong? Paghisgot kon sa unsang paagi nga si Jesukristo nahisama sa usa ka kapitan (tan-awa sa Mga Hebreo 2:10). Kon kita motuo diha Kaniya, Siya makagiya kanato nga luwas latas sa kinabuhi.

Alang sa Mga Hebreo 7–13

Awita ang “Hugot nga Pagtuo” (Songbook sa mga Bata 50). Hisgoti kon sa unsa nga paagi nga kita nagpakita sa atong hugot nga pagtuo kon kita mosalig sa Dios ug mosunod ni Jesukristo.

Alang sa Santiago

Mag-uban sa paghimo og makaon. Samtang kini giluto pa, pangutana, “Lisod bang bation ang magpaabot?” Ang pagpaabot dili sayon. Apan kon kita nagpaabot alang sa maayo nga mga butang nga moabot—sama sa mga panalangin sa Dios—kini takos lang nga paaboton.

Alang sa 1 ug 2 Pedro

Dad-a sa gawas ang inyong gagmayng mga bata. Moinit ba karong adlawa? Moulan ba karong adlawa? Paghunahuna og butang nga pwede nimong buhaton aron malingaw sa panahon. Itudlo nga kita mahimong magmalipayon, dili igsapayan kon unsa man ang panghitabo sa atong palibot.

Alang sa 1–3 Juan; Judas

Sukda kon unsa na kataas ang inyong gagmay nga bata. Itudlo nga samtang nagtubo ang Manluluwas, Siya mihimo og maayo nga mga pagpili sa matag adlaw. Hangyoa sila sa paghingalan og usa ka maayo nga pagpili nga ilang gipili karong adlawa. Tabangi sila nga moingon og, “Ako nagtubo, sama ni Jesus!”