Si Akoni Nangandam alang sa Templo

Himamata si Akoni ug pagkat-on kon giunsa niya pag-andam nga moadto sa templo.

Si Akoni nag-edad og 12 anyos. Nagpuyo siya sa New Mexico, USA, diha sa Navajo Nation. Kini usa ka dapit sa Estados Unidos nga gidumala sa Navajo nga katawhan. Sobra sa 250,000 ka tawo ang nagpuyo didto.

Sa dihang mas bata pa si Akoni, gitan-aw niya ang iyang mas magulang nga mga igsoon nga moadto sa Young Women ug Young Men.

Nakita usab niya kon unsa sila ka malipayon sa dihang miadto sila sa templo. Mahinamon usab si Akoni nga mobisita sa templo.

Si Akoni nangandam alang sa Young Men pinaagi sa pagsimba ug pagpakig-istorya ngadto sa iyang pamilya.

Nangutana siya mahitungod sa templo aron maandam siya nga mosulod.

“Gikulbaan ko nga moadto sa templo sa unang higayon,” miingon si Akoni. “Apan kon anaa ko sa templo, mobati ko nga luwas.”

Ang kinadul-an nga templo ni Akoni mao ang Albuquerque New Mexico Temple. Upat ka oras nga biyahe. Mahinamon si Akoni nga sa dili madugay usa ka bag-o nga templo ang tukoron nga mas duol.

Si Akoni nangandoy nga moserbisyo og usa ka misyon ugma damlag, sama sa iyang mas magulang nga mga igsoon.

Misugod siya sa pagpakigbahin sa ebanghelyo pinaagi sa pagdapit sa iyang higala nga mosimba. Gusto siya nga mahimong usa ka ehemplo ngadto sa iyang manghod nga lalaki ug sa uban usab!

Ang tag-as nga mga bato dinhi niini nga litrato gitawag nga “mga pako sa mga bato.” Kini nga dapit importante ngadto sa Navajo nga katawhan.