“Ang Talagsaon nga Plano sa Langitnong Amahan,” Higala, Nob. 2023, 2–3.
Usa ka Mensahe sa Komperensiya gikan sa Propeta
Ang Talagsaon nga Plano sa Langitnong Amahan
Gikuha gikan sa “Paghunahuna og Celestial!” Liahona, Nob. 2023, 115–17.
Ang plano sa Langitnong Amahan alang nato talagsaon. Unsay atong gihimo niini nga kinabuhi importante gayod. Ang Pag-ula sa Manluluwas mao ang nakapahimo sa plano sa Amahan nga posible.
Ang Manluluwas nag-antos aron nga Siya makahupay kanato, makaayo kanato, ug makaluwas kanato sa mga panahon sa panginahanglan. Tungod sa walay kinutoban nga Pag-ula ni Jesukristo, ang plano sa Langitnong Amahan usa ka hingpit nga plano! Kini makatugot sa matag usa nato sa pagpili kon sa unsang paagi kita magpuyo.
Dapiton ko kamo sa pagsugod sa “paghunahuna og celestial”! Kon kamo adunay problema, paghunahuna og celestial! Kon gisulayan sa tentasyon, paghunahuna og celestial! Kon ang kinabuhi o mga minahal mopahugno kaninyo, paghunahuna og celestial!
Samtang kamo maghunahuna og celestial, kamo ganahan nga mas mag-ampo sa kanunay ug mas sinsero. Kamo molantaw sa mga pagsulay diha sa usa ka bag-ong kahayag. Samtang maghunahuna kamo og celestial, ang inyong hugot nga pagtuo molambo.
Ang Dios buhi. Si Jesus mao ang Kristo. Ang Iyang Simbahan gipahiuli aron sa pagpanalangin sa tanang mga anak sa Dios.
Paghunahuna og Celestial!
Gitudlo ni Presidente Nelson nga ang paghunahuna og celestial makatabang kanato sa paghimo og maayo nga mga pagpili. Diha sa matag usa sa adlaw, pagdrowing o pagsulat kon unsa ang inyong buhaton aron masunod ang ehemplo sa Manluluwas.
Come unto Jesus [Duol ngadto ni Jesus], ni Michael Malm