Mubo nga mga Sulat sa Komperensiya

Tabang gikan sa Espiritu Santo

Si Presidente Eyring miingon nga iyang gibati nga nadasig kon siya mobasa sa istorya ni Nephi sa pagkuha sa tumbaga nga mga palid gikan ni Laban. Si Nephi wala gyod masayod kon unsa ang buhaton, apan siya gigiyahan sa matag higayon pinaagi sa Espiritu Santo. Kon ang Ginoo naghangyo kanato sa pagbuhat og butang nga lisod, ang Espiritu Santo motabang usab kanato.

Nagtudlo kini kanako sa:

Hinumdomi kon si Kinsa Ka

Si Elder Stevenson nagdapit kanato sa paghunong sa matag higayon nga kita magtan-aw sa atong kaugalingon diha samin ug moingon, “Wow, tan-awa ko! Talagsaon ako! Ako usa ka anak sa Dios! Siya nakaila kanako! Siya nahigugma kanako!” Ang pagbuhat niini makatabang kanato sa paghinumdom kon si kinsa gayod kita ug kon sa unsang paagi ang Dios ug ang Espiritu Santo makatabang kanato.

Nagtudlo kini kanako sa:

Hugot nga Pagtuo diha ni Jesukristo

Si Elder Costa mipakigbahin og istorya sa dihang si Jesukristo mipakalma sa unos. Kitang tanan adunay mga unos, o mga hagit, sa kinabuhi nga lisod. Apan kita dili gayod kinahanglan nga moatubang niini nga mag-inusara. Ang pagbaton og hugot nga pagtuo diha ni Jesukristo mohatag kanato sa gahom ug kalinaw nga atong gikinahanglan aron sa pag-atubang sa bisan unsa nga unos.

Nagtudlo kini kanako sa:

Paglakaw sa Dalan uban Kaniya

Si Presidente Freeman misugilon og usa ka istorya mahitungod sa higayon nga siya gustong mobisita og usa ka lahi nga trail, bisan og nagsakit na ang iyang buulbuol. Dili na siya makalakaw diha sa dalan nga siya ra, busa ang giya diha sa dalan mitabang kaniya. Sama sa giya ni Presidente Freeman, si Jesukristo motabang kanato sa bisan unsa nga mga hagit kon kita maningkamot sa pagtuman sa atong mga pakigsaad.

Nagtudlo kini kanako sa:

Mga paghulagway ni Josh Talbot