Ang Akong Dalan sa Pakigsaad

Pagpaminaw sa Espiritu Santo

Ang Langitnong Amahan adunay maanindot nga mga panalangin alang kanimo sa tanang higayon diha sa imong dalan balik ngadto Kaniya!

Ang Espiritu Santo magdala usab kanato og mga mensahe gikan sa Langitnong Amahan. Gitawag kini og pagpadayag. Nasulayan na ba nimo sukad nga nakabaton og mainiton, malipayon nga pagbati kon ikaw mokanta diha sa Primary? O adunay usa ka hunahuna sa pagtabang sa usa ka tawo? Kadto nga maayo nga mga hunahuna ug mga pagbati moabot kanato gikan sa Espiritu Santo! Ipangutana kini aron matabangan ka nga masayod kon ang Espiritu Santo namulong nganha kanimo.

Pagpadayag: Usa ka mensahe nganha kanimo gikan sa Dios. Sa kasagaran kini moabot isip usa ka hunahuna o pagbati gikan sa Espiritu Santo.

Nabati ba Nako ang Espiritu Santo?

alt text

Mga paghulagway pinaagi ni Brooke Smart

• Ang hunahuna o pagbati nakatabang ba nako nga mas mapaduol ngadto sa Langitnong Amahan? (Tan-awa sa Doktrina ug mga Pakigsaad 8:2.)

• Ang hunahuna o pagbati nagsulti ba kanako sa pagbuhat og maayo nga butang? (Tan-awa sa Moroni 7:13.)

• Gibati ba nako ang kalinaw, kalipay o gugma? (Tan-awa sa Mga Taga-Galacia 5:22.)

Usa ka higayon dihang gibati nako ang Espiritu Santo: