Mga Balita sa Komperensiya

Mga Kinutlo sa Komperensiya

“Ang ebanghelyo ni Jesukristo usa ka plano nga nagpakita kanato kon unsaon nga mahimong unsay gusto sa atong Langitnong Amahan nga kita mamahimo.”

Presidente Dallin H. Oaks, Unang Magtatambag sa Unang Kapangulohan

“Si Jesus mao ang Kristo. Siya ang atong Manluluwas, ang atong Manunubos. Siya ang atong suod nga higala.”

Presidente M. Russell Ballard, Akting nga Presidente sa Korum sa Napulog Duha ka Apostoles

“Tungod ni Jesukristo, ang tanan OK ra.”

Si Sister Amy A. Wright, Unang Magtatambag sa Kinatibuk-ang Kapangulohan sa Primary

Nagtan-aw sa Komperensiya sa tibuok Kalibotan

Tungod sa deperensiya sa oras, kami nagtan-aw sa buntag nga mga sesyon sa komperensiya inig ka gabii. Mahinangpon kaayo mi sa dihang si Presidente Nelson mipahibalo sa bag-ong mga templo!

Sofia D., edad 11, Bratislava Region, Slovakia

Kami nangandam alang sa komperensiya pinaagi sa pagpamalit og mga makaon ug namahulay aron dili kami makatulog tunga-tunga sa komperensiya. Kami mag-ampo isip usa ka pamilya alang sa pagsabot ug magbasa sa mga kasulatan. Kanunay ko nga mahinangpon sa pagpaminaw sa usa ka buhi nga propeta ug makadungog sa pulong sa Dios.

Runakorwashe S., edad 7, Southern Region, Malawi

Ang pagtan-aw sa komperensiya makapahimo nako nga gustong maduol ngadto ni Jesukristo. Siya ang Maayo nga Magbalantay, ug Siya nagpakabana kanato, nga Iyang mga karnero. Usahay kita maglatagaw og layo-layo, apan Siya kanunay nga mangita kanato.

Efrain C., edad 9, San Juan Province, Argentina

20 ka Templo!

Adunay mga 20 ka bag-ong templo ang gipahibalo sa komperensiya! Paggamit og usa ka mapa aron makit-an ang matag lokasyon sa bag-ong templo. Kolori ang luna diha sa latid sa templo kon imong makit-an ang matag usa.

Savai’i, Samoa

Cancún, Mexico

Piura, Peru

Huancayo, Peru

Viña del Mar, Chile

Goiânia, Brazil

João Pessoa, Brazil

Calabar, Nigeria

Cape Coast, Ghana

Luanda, Angola

Mbuji-Mayi, Democratic Republic of the Congo

Laoag, Philippines

Osaka, Japan

Kahului, Hawaii, USA

Fairbanks, Alaska, USA

Vancouver, Washington, USA

Colorado Springs, Colorado, USA

Tulsa, Oklahoma, USA

Roanoke, Virginia, USA

Ulaanbaatar, Mongolia

Ikapulo ug mga Halad

Sa komperensiya, atong nakat-onan ang pipila sa mga paagi ang Simbahan mogamit sa atong kwarta sa ikapulo ug mga donasyon aron sa pagpanalangin sa mga tawo sa tibuok kalibotan!

• Sa miagi nga tuig, labaw sa 1 ka bilyon ka US dolyares ang nagamit sa pagpanalangin niadtong nanginahanglan.

• Lain nga 54 milyones ka US dolyares ang gitabang sa mga inahan ug mga anak nga anaa sa panginahanglan.

• Ang ikapulo nagtabang sa pagsuporta og labaw pa sa 71,000 ka misyonaryo nga nagserbisyo sa 414 misyon.

• Ang ikapulo nakatabang usab sa pag-amuma sa 30,000 ka kongregasyon sa 195 ka nasod ug mga teritoryo.

Mga Leksiyon sa Kinabuhi gikan sa Propeta

Si Presidente Nelson nagpanuigon na og 99 karong tuiga! Sa iyang pakigpulong, siya mipakigbahin og pipila sa mga leksiyon nga iyang nakat-onan sa dul-an 100 ka tuig sa kinabuhi. Pakli-a ngadto sa pahina 2 aron mabasa kon unsa ang iyang gitudlo.