Kumusta gikan sa Indonesia!

Kat-oni ang mahitungod sa mga anak sa Langitnong Amahan sa tibuok kalibotan.

alt text here

Ang Indonesia usa ka nasod sa Habagatang Silangan sa Asya. Aduna kini kapin sa 17,000 ka isla! Dul-an sa 280 ka milyon ka tawo ang nagpuyo didto.

Usa ka Nagtubo nga Simbahan

alt text here

Si Presidente Russell M. Nelson mibisita sa mga miyembro sa ulohang siyudad, sa Jakarta, niadtong 2019. Ug sa Abril 2023 nga kinatibuk-ang komperensiya, siya mipahibalo nga usa ka templo ang matukod didto!

Mga Dapit sa Pagsimba

alt text here

Ang Indonesia adunay kinadak-ang Islamic mosque sa Habagatang Silangan sa Asya. Anaa usab niini ang kinadak-ang templo sa Buddhist sa kalibotan.

Usa ka Asul nga Bulkan!

alt text here

Ang Indonesia adunay mas daghang buhi nga mga bulkan kay sa bisan unsang nasod. Ang Kawah Ijen nga bulkan adunay asul nga kalayo nga makita sa gabii.

Makasulti Ka Ba sa Akong Pinulongan?

alt text here

Ang Indonesian mao ang opisyal nga pinulongan. Apan sobra pa sa 700 ka pinulongan ang gigamit sa Indonesia! Ang ilang panultihon [motto] sa nasod napasabot og “Daghan, apan usa” sa pagpakita nga sila nagkahiusa.

Pinuy-anan sa mga Dragon

alt text here

Ang mga komodo dragon mao ang kinadak-an nga mga tiki sa kalibotan. Kini mahimong motubo hangtod sa 10 pye (3 metros) ang gitas-on!

Kalihokan

Batik nga Painting

alt text here

Ang batik mao ang matang sa art nga nakadugang og kolor sa panapton. Makahimo usab ka og butang sama niana!

Paghimo og usa ka desinyo diha sa papel nga adunay likido nga glue. Kon mauga na kini, pintali ang taliwala sa mga linya sa glue gamit ang mga watercolor.

Resipe

Nasi Uduk

alt text here

1. Kisli ang 2 ka tasa nga puting bugas. Ihumol ang bugas sa tubig sulod sa usa ka oras, dayon salaon.

2. Sa lahi nga kaldero, ibubo ang 2 ka tasa nga tuno sa lubi. Dayon idugang ang 2 duha lusok nga clove, 1 ka cinnamon stick, ug 1 ka kutsaritang asin. Isagol ug pabukala.

3. Idugang ang bugas ngadto sa sauce. Taboni ug lutoa sa hinay sulod sa 15–20 ka minuto hangtod ang bugas maluto.

4. Haona gikan sa init ug ipabilin nga gitabonan sulod sa 10 minutos. Idalit nga paresan og linaga nga itlog, giprito nga sibuyas, o uban pang mga sagol.

Siguroa nga adunay hamtong nga motabang!

Sugyot sa Kahimsog

Maayong Pagkatulog

Kita nagkinahanglan og katulog aron makaangkon og kusog sa pagdagan, pagdula, ug pagtrabaho. Paningkamoti nga makatulog sa samang oras sa matag gabii. Buhata ang butang nga makatabang nimo nga makarelaks sa dili pa matulog.

alt text here

Mga paghulagway pinaagi ni Conner Gillette