សារព័ត៌មានសន្និសីទ

ពាក្យសម្ដីដកស្រង់ពីសន្និសីទ

ការមើលសន្និសីទនៅជុំវិញពិភពលោក

ដោយសារតែពេលវេលាខុសគ្នា យើងមើលសម័យប្រជុំព្រឹកនៃសន្និសីទនាពេលល្ងាចវិញ ។ យើងរំភើបចិត្តណាស់ នៅពេលប្រធាន ណិលសុន ប្រកាសអំពីព្រះវិហារបរិសុទ្ធថ្មី !

សូហ្វៀ ឌី អាយុ ១១ ឆ្នាំ តំបន់ប្រាទីសស្លាវ៉ា ប្រទេសស្លូវ៉ាគី

យើងត្រៀមខ្លួនសម្រាប់សន្និសីទដោយការទៅទិញនំចំណី និងសម្រាកដើម្បីកុំឲ្យយើងដេកលក់នៅពេលមើលសន្និសីទ ។ យើងអធិស្ឋានជាគ្រួសារដើម្បីការយល់ដឹង និងអានព្រះគម្ពីរ ។ ខ្ញុំតែងតែមានចិត្តរំភើបក្នុងការស្ដាប់ព្យាការីនៅរស់ និងឮព្រះបន្ទូលរបស់ព្រះ ។

រ៉ូណាគោវ៉ោសហ្ស៊ី អេស អាយុ ៧ ឆ្នាំ តំបន់ភាគខាងត្បូង ម៉ាឡាវី

ការមើលសន្និសីទបានធ្វើឲ្យខ្ញុំចង់នៅជិតព្រះយេស៊ូវគ្រីស្ទ ។ ទ្រង់គឺជាអ្នកគង្វាលដ៏ល្អ ហើយទ្រង់យកចិត្តទុកដាក់ចំពោះយើង ដែលជាចៀមរបស់ទ្រង់ ។ នៅពេលខ្លះ យើងដើរវង្វេងឆ្ងាយបន្តិច ប៉ុន្តែទ្រង់តែងតែដើរស្វែងរកយើងជានិច្ច ។

អេហ្រាអ៊ីន ស៊ី អាយុ ៩ ឆ្នាំ ខេត្តសេន ហ័ន ប្រទេសអាហ្សង់ទីន

ព្រះវិហារបរិសុទ្ធចំនួន ២០ !

មានព្រះវិហារបរិសុទ្ធថ្មីចំនួន ២០ ដែលបានប្រកាសនៅក្នុងសន្និសីទ ! សូមប្រើផែនទីដើម្បីស្វែងរកទីតាំងនៃព្រះវិហារបរិសុទ្ធថ្មីនីមួយៗ ។ សូមផាត់ពណ៌នៅក្នុងលំហក្នុងគំនូសតាងព្រះវិហារបរិសុទ្ធ ពេលអ្នករកឃើញគំនូសតាងនីមួយៗ ។

សាវៃអ៊ី សាម័រ

កានគុន ម៊ិកស៊ីក

ពីអូរ៉ា ពេរ៉ូ

ហូនកាយ៉ូ ពេរ៉ូ

វីណា ដេលម៉ា ឈីលី

ហ្គយយ៉ាណា ប្រេស៊ីល

ជូអោ ពេសៅ ប្រេស៊ីល

កាឡាបា នីហ្សេរីយ៉ា

ជ្រោយ កេប ហ្គាណា

លូនដា អាន់ហ្គូឡា

ប៊ូជី ម៉ាយី សាធារណរដ្ឋប្រជាធិបតេយ្យកុងហ្គោ

ឡាអូហ្គ ហ្វីលីពីន

អូសាកា ជប៉ុន

ខាហ៊ូលូអ៊ី ហាវ៉ៃ ស.រ.អា.

ហ្វ៊ែប៊ែង អាឡាស្កា ស.រ.អា.

វែនខូវើ វ៉ាស៊ីនតោន ស.រ.អា.

កូឡូរ៉ាដូ ស្ព្រីង កូឡូរ៉ាដូ ស.រ.អា.

ទូសា អូក្លាហូម៉ា ស.រ.អា.

រ៉ូអាណូក វើរជីញ៉ា ស.រ.អា.

យូឡានបាតា ម៉ុងហ្គោលី

ដង្វាយមួយភាគក្នុងដប់ និងដង្វាយផ្សេងៗ

នៅក្នុងសន្និសីទ យើងបានរៀនអំពីរបៀបមួយចំនួនដែលសាសនាចក្រប្រើប្រាស់ប្រាក់ដង្វាយមួយភាគក្នុងដប់ និងដង្វាយផ្សេងៗរបស់យើង ដើម្បីផ្ដល់ពរជ័យដល់មនុស្សទូទាំងពិភពលោក !

កាលពីឆ្នាំមុន ប្រាក់ជាង ១ ពាន់លាន ដុល្លារអាមេរិកត្រូវបានសាសនាចក្រប្រើដើម្បីផ្ដល់ពរជ័យដល់អ្នកដែលខ្វះខាត ។
ហើយ ៥៤ លាន ដុល្លារអាមេរិកទៀតបានជួយដល់ម្តាយ និងកូនទាំងឡាយដែលខ្វះខាត ។
ដង្វាយមួយភាគក្នុងដប់ជួយគាំទ្រដល់ពួកអ្នកផ្សព្វផ្សាយសាសនាជាង ៧១.០០០នាក់ដែលកំពុងបម្រើនៅក្នុងបេសកកម្មចំនួន ៤១៤ ។
ដង្វាយមួយភាគក្នុងដប់ក៏ជួយដល់ក្រុមជំនុំចំនួន ៣០.០០០ កន្លែងនៅក្នុងប្រទេស និងដែនដីចំនួន ១៩៥ ផងដែរ ។

មេរៀនជីវិតមកពីព្យាការី

ឆ្នាំនេះប្រធាន ណិលសុន មានអាយុ ៩៩ ឆ្នាំហើយ ! នៅក្នុងសុន្ទរកថារបស់លោក លោកបានចែកចាយមេរៀនមួយចំនួនដែលលោកបានរៀនក្នុងរយៈពេលជិត ១០០ ឆ្នាំនៃជីវិតនេះ ។ សូមបើកទៅ ទំព័រ ២ ដើម្បីអាននូវអ្វីដែលលោកបានបង្រៀន ។