Чуулганы мэдээ

Чуулган дээр хэлсэн үгс

“Есүс Христийн сайн мэдээ бол Тэнгэрлэг Эцэг биднийг ямар хүмүүс болохыг хүсдэг шиг тийм хүмүүс хэрхэн болохыг бидэнд харуулдаг төлөвлөгөө юм.”

Тэргүүн зөвлөлийн нэгдүгээр зөвлөх, ерөнхийлөгч Даллин Х.Өүкс

“Есүс бол Христ. Тэр бол бидний Аврагч, бидний Гэтэлгэгч. Тэр бидний хамгийн сайн найз.”

Арван хоёр төлөөлөгчийн чуулгын ерөнхийлөгчийн үүрэг гүйцэтгэгч, ерөнхийлөгч М.Рассэлл Баллард

“Есүс Христийн ачаар бүх зүйл сайхан болно.”

Хүүхдийн хэсгийн ерөнхий ерөнхийлөгчийн зөвлөлийн 1-р зөвлөх Эйми А.Врайт эгч

Дэлхий даяар ерөнхий чуулганыг үзсэн нь

Цагийн зөрөөнөөс болоод бид чуулганы өглөөний хуралдааныг орой үздэг. Ерөнхийлөгч Нэлсон шинэ ариун сүмүүдийг зарлахад бид маш их баяртай байсан!

Софиа Д., 11 настай, Словакын Братислава

Бид дэлгүүрээс амттай юм худалдан авч мөн амарч чуулгандаа бэлтгэдэг. Ингэснээр бид чуулганы дундуур унтахгүй. Бид ойлгохын тулд гэр бүлээрээ залбирч мөн судраас уншдаг. Би амьд бошиглогчийн үгсэд чих тавьж, Бурханы үгийг сонсохдоо үргэлж баяртай байдаг.

Рунакорвашэ С., 7 настай, Малави Өмнөд хэсэг

Чуулган үзсэнээр би Есүс Христэд ойртох хүсэлтэй болсон. Тэр Сайн Хоньчин ба Тэр биднийг, Өөрийн хоньдыг анхаарч халамжилдаг. Бид заримдаа бага зэрэг хол газар луу тэнүүчилдэг. Гэвч Тэр үргэлж биднийг хайж ирдэг.

Эфрайн С., 9 настай, Аргентины Сан Хуан

20 ариун сүм!

Чуулган дээр шинээр баригдах 20 ариун сүмийг зарлав! Газрын зургийг ашиглан шинээр баригдах ариун сүм тус бүрийн байршлыг олоорой. Нэг бүрийг нь олсныхоо дараа уг ариун сүмийн нэртэй хэсгийг будна уу.

Самоагийн Савай

Мексикийн Канкүн

Перугийн Пиура

Перугийн Уанкаёо

Чилигийн Виня дэл Мар

Бразилын Гояаниа

Бразилын Жуан Пэссоа

Нигерийн Калабар

Ганагийн Кэйп Көүст

Анголын Луанда

Бүгд Найрамдах Ардчилсан Конгогийн Мүжи-Маи

Филиппиний Лоаг

Японы Оосака

АНУ-ын Хавайн Кахүлүй

АНУ-ын Аляскагийн Фэйрбанкс

АНУ-ын Вашингтоны Ванкүвэр

АНУ-ын Колорадогийн Колорадо Спрингс

АНУ-ын Оклахомагийн Тулса

АНУ-ын Виржиниагийн Рөүнөк

Монголын Улаанбаатар

Аравны нэг ба өргөлүүд

Бид чуулганы үеэр Сүм бидний аравны нэгийн мөнгө болон хандивыг дэлхий даяарх хүмүүсийг адислахад хэрхэн зарцуулдаг тухай мэдэж авсан!

• Өнгөрсөн жил тусламж хэрэгтэй хүмүүсийг адислахад 1 тэрбум гаруй америк долларыг зарцуулжээ.

• Үүнээс гадна тусламж хэрэгтэй хүүхэд, эхчүүдэд 54 сая америк доллар зориулжээ.

• Аравны нэг нь 414 номлолын 71000 гаруй номлогчид дэмжлэг үзүүлж байна.

• Мөн аравны нэг нь 195 улс орон, бүс нутагт 30000 цуглааныг зохион байгуулахад дэмжлэг үзүүлдэг.

Бошиглогчийн хэлсэн амьдралын сургамжууд

Ерөнхийлөгч Нэлсон энэ жил 99 нас хүрч байна! Тэр бараг 100 жил амьдрахдаа олж авсан сургамжуудаасаа хэлсэн үгтээ хуваалцсан. Түүний юу заасныг 2-р хуудаснаас уншаарай.