“Nagsunod ni Jesus didto sa New Zealand,” Higala, Disyembre 2023, 16–17.
Nagsunod ni Jesus didto saNew Zealand
Himamata si Tarnae ug Nephi!
Mahitungod ni Tarnae ug Nephi
Mga edad: 12 ug 9
Gikan sa: Hawke’s Bay, New Zealand
Mga pinulongan: English, Māori
Mga tumong ug mga pangandoy: Moadto og misyon, moadto sa Tokyo, ug mahimong usa ka fighter nga piloto (Tarnae). Moadto og misyon, moadto sa New York, ug mag-bungee jump (Nephi).
Pamilya: Tarnae, Nephi, Mama, Papa, lima ka igsoong lalaki, usa ka igsoong babaye
Giunsa Nila sa Pagsunod si Jesus
Si Tarnae nangandam nga moadto sa templo aron mohimo og mga pagbunyag. Ang iyang lola nakakaplag og impormasyon mahitungod sa pipila ka katigulangan aron mabunyagan siya alang kanila. “Mahinamon kaayo ko nga mosulod sa templo,” nag-ingon si Tarnae. “Akong dungog nga makatabang sa buhat alang sa akong mga katigulangan.”
Sa dihang nabunyagan ang ilang ig-agaw, si Nephi mipakigbahin sa iyang pagpamatuod. Si Nephi namulong ngadto niadtong diha sa bunyag mahitungod ni Jesukristo. “Nasayod ako nga importante ang pagpakigbahin sa akong pagpamatuod aron sa paglig-on sa uban,” miingon si Nephi.
Ang Ilang mga Paborito
Ang paborito ni Nephi nga istorya sa kasulatan mao ang kabahin ni Jesus nga nagpakaon sa lima ka libo. Ang kang Tarnae mao ang mahitungod sa bunyag ni Jesus.
Ang ilang paborito nga dapit mao ang Tongariro National Park, diin nakakita sila og niyebe sa unang higayon
Ang paborito ni Nephi nga prutas mao ang pinya. Ang kang Tarnae mao ang mga ukban.
Ang paborito ni Tarnae nga kolor mao ang tapol [purple]. Ang paborito ni Nephi nga kolor mao ang pula.
Ang paborito ni Nephi nga hilisgotan sa eskwelahan mao ang pagbasa ug ang kang Tarnae mao ang art.
Mga paghulagway pinaagi ni Carolyn Vibbert