“Pasundayag sa Pagkatawo ni Jesukristo,” Higala, Dis. 2023, 26–27.
Pasundayag sa Pagkatawo ni Kristo
Gamita ang mga litrato sa pagsugilon sa istorya sa pagkatawo ni Jesukristo.
Paghulagway pinaagi ni Simini Blocker
Magbabasa: Usa ka gabii didto sa Betlehem, si Maria ug Jose nagkinahanglan og usa ka dapit nga kapuy-an. Si Maria padulong na nga manganak. Ang bata mao si Jesukristo, ang Manluluwas sa Kalibotan.
[Si Jose ug Maria miduol sa tigdumala sa balay abotanan.]
Jose: Palihog. Nagkinahanglan kami og usa ka dapit nga luwas nga kaistaran para karong gabii.
Tigdumala sa balay abotanan: Wala mi bakanting lawak. Apan kon gusto ninyo, makaistar kamo sa kwadra uban sa mga hayop.
[Si Jose ug Maria mibalhin ngadto sa kwadra.]
Magbabasa: Gipakatawo ni Maria didto sa kwadra ang bata nga si Jesus.
[Si Maria nagkugos sa bata nga si Jesus.]
Magbabasa: Didto sa duol nga mga nataran, ang mga magbalantay sa karnero nagbantay sa ilang mga karnero.
[Mga magbalantay sa karnero nagbarog tupad sa mga karnero.]
Magbabasa: Usa ka anghel ang miabot ngadto sa mga magbalantay sa karnero. Sa sinugdanan, ang mga magbalantay sa karnero nangahadlok.
[Anghel miduol sa mga magbalantay sa karnero.]
Anghel: Ayaw kahadlok. Kay alang kaninyo natawo karon ang Manluluwas, nga mao ang Kristo nga Ginoo.
Magbabasa: Ang anghel miingon sa mga magbalantay sa karnero nga ilang makaplagan ang bata nga si Jesus nga naghigda sa usa ka pasongan. Daghan pang mga anghel ang miabot ug nanganta. Dayon ang mga magbalantay sa karnero miadto sa kwadra didto sa Betlehem.
[Mga magbalantay sa karnero miduol ni Maria, Jose, ug sa bata nga si Jesus.]
Magbalantay: Siya ang atong Manluluwas. Kinahanglan atong sultihan ang tanan!
[Ang mga magbalantay sa karnero mibiya ni Maria, Jose, ug sa bata nga si Jesus.]
Magbabasa: Ang mga Mago usab nasayod mahitungod sa bata nga si Jesus. Sila misunod sa usa ka bitoon aron sa pagpangita Kaniya.
[Ang magbabasa moisa sa bitoon. Ang mga Mago mosunod sa bitoon ngadto ni Maria, Jose, ug sa bata nga si Jesus]
Magbabasa: Ang mga Mago misimba ni Jesus.
Mago: Ang mga kasulatan nag-ingon nga Siya moabot sa usa ka adlaw. Nagdala kami og mga gasa alang sa among Hari.
Magbabasa: Niini nga Pasko, kami makahatag usab og gasa ngadto ni Jesus. Kita mahimong mohigugma Kaniya. Kita makaserbisyo sa uban. Kita makapaambit sa Iyang kahayag sa kalibotan!