“Tungod ni Jesus,” Higala, Dis. 2023, 32.
Higala ngadto sa Higala
Tungod ni Jesus
Gikuha gikan sa “Ang Labing Mahinungdanong Gasa sa Pasko” (Debosyonal sa Pasko sa Unang Kapangulohan, Dis. 4, 2022), Gospel Library.
Mga paghulagway pinaagi ni Brooke Smart
Sa Portugal, daghang mga tawo mopahimutang og usa ka talan-awon sa pagkatawo ni Jesukristo. Inyong makita ang mga eksena sa Pagkatawo ni Jesukristo sa tibuok nasod atol sa Pasko.
Isip usa ka bata, ganahan kong mopahimutang og talan-awon sa Pagkatawo ni Jesukristo. Matag Pasko, mokuha kami og usa ka kahon nga kahoy. Puno kadto sa gagmay nga mga figura sa mga tawo, mga balay, mga mag-uuma, ug mga hayop. Makakita kami og presko nga lumot, dagami, ug mga bato aron makamugna og gagmay nga bungtod, mga walog, mga kahoy, ug mga umahan. Mogamit gani kami og tipaka sa bildo aron murag og mga suba ug sapa tan-awon.
Maghimo kami sa talan-awon sulod sa mga adlaw o mga semana, usa ka piraso sa usa ka higayon. Ang labing importante nga bahin mao ang pagdugang og mga tawo gikan sa istorya sa kasulatan. Kami mobutang ni Maria, Jose, sa mga magbalantay sa karnero, mga anghel, ug sa uban diha sa sentro ug isugilon ang mga istorya mahitungod kanila.
Kon moabot na ang adlaw sa Pasko, among ipahimutang ang pigura sa bata nga si Jesus diha sa pasongan. Dayon among isugilon ang mga istorya mahitungod ni Jesukristo. Among hisgotan kon sa unsang paagi Siya ang labing mahinungdanon nga gasa sa tanan tungod sa unsay Iyang gibuhat alang kanato. Naghatag Siya kanato og kalinaw ug paglaom. Nagtabang siya kanato nga masayod kon kinsa kita ug nganong kita ania dinhi. Mogiya Siya ug mohupay kanato.
Tungod ni Jesus, kita makapaambit sa atong kahayag. Makahatag kita sa uban og gugma, kamabination, ug serbisyo, bisan kon gibati nato nga kita adunay gamay lang nga ikahatag.