Pag-akting sa Among Papel

Ang mga bata sa Primary sa Chimaltenango Department, Guatemala, mipahigayon og pag-akting mahitungod sa pagkatawo ni Jesukristo! Pipila ka bata miakting og mga papel gikan sa istorya sa Pagkatawo ni Jesukristo. Ang uban miakting sa mga propeta sa Basahon ni Mormon kinsa miingon nga matawo si Jesus.

Alma ang Propeta

Ako ang propeta nga si Alma. Mihimo kini kanako nga mobati og maayo tungod kay nasayod ko nga ang mga propeta mipahibalo sa pagkatawo ni Jesukristo.

Ethan C., edad 6

Maria

Ako ang miakting ni Maria. Siya mao ang inahan ni Jesus. Mipakatawo siya ni Jesus diha sa usa ka kuwadra.

Danna M., edad 9

Jose

Ako ang miakting ni Jose. Nangita kami og dapit diin mahimong matawo ang batang si Jesus.

Kenneth M., edad 8

Magbalantay

Ako ang miakting sa papel sa magbalantay. Akong nakat-onan ang mahitungod sa gugma sa Dios sa pagpadala sa Iyang Anak.

Lester M., edad 10

Ang Bituon

Ako mao ang bituon. Ako ang migiya sa mga Tawo nga Maalamon ngadto sa batang si Jesus.

Skarleth X., edad 6

Tawo nga Maalamon

Ako mao ang usa sa Tawo nga Maalamon kinsa miadto aron makakita ni Jesus. Ang pag-akting niini nga papel mipabati kanako og kalinaw ug gugma ug dakong kalipay!

Jeremy C., edad 9

Mahimo usab ninyong i-akting ang istorya sa Pasko! Adto sa pahina 26 alang sa usa ka script nga mahimo ninyong magamit. Makahimo usab kamo og pipila ka costume diha sa pahina 38.