Bag-ong Tugon

Dali, Sunod Kanako nga mga Kalihokan alang sa Gagmay nga mga Bata

Alang sa Gipadayag 1–5

Paghangyo og tawo nga moadto sa gawas ug manuktok sa inyong atubangan nga pultahan. Tabangi ang inyong gagmay nga mga bata sa pag-abli sa pultahan, motimbaya sa tawo nga nanuktok, ug mainiton nga modapit kanila sa pagdayon. Hisgoti kon sa unsang paagi kita makaabi-abi ni Jesukristo sa atong kinabuhi kon kita maghunahuna mahitungod Kaniya.

Alang sa Gipadayag 6–14

Paklia ngadto sa pahina 22 aron makita ang ubang mga bata gikan sa tibuok kalibotan. Ipasabot nga si Jesukristo nahigugma sa tanang mga bata ug gusto nga sila mosunod Kaniya. Siya nagpadala og mga misyonaryo sa tibuok kalibotan sa pagtudlo mahitungod Kaniya.

Alang sa Pasko

Sultihi kon sa unsang paagi ang mga Mago mihatag sa mga gasa ngadto ni Jesukristo. Hangyoa ang inyong gagmay nga mga bata sa pagpangita og butang nga importane kanila. Dayon tabangi sila nga idrama-drama ang usa ka bahin sa mga Mago diha sa istorya sa Pagkatawo ni Jesukristo (tan-awa sa Mateo 2:9–11). Ipahunahuna nila ang mahitungod sa paghatag ngadto ni Jesukristo sa ilang mga gasa.

Alang sa Gipadayag 15–22

Tudloi ang inyong gagmay nga mga bata kon unsaon nato sa pagdayeg ang Langitnong Amahan ug si Jesus pinaagi sa pagkanta mahitungod Kanila. Magpuli-puli sa pagpili og kanta sa Primary o magdungan sa pagpaminaw.