Mga Costume sa Pagkatawo ni Kristo

Makapahigayon kamo og usa ka pasundayag sa pagsugilon sa istorya bahin sa pagkatawo ni Jesus. Ania ang pipila ka costume nga pwede ninyong buhaton. Gamita ang script diha sa pahina 26 alang sa inyong pasundayag.

Maskara nga Karnero

Paghimo og pipila ka karnero nga iuban sa inyong mga magbalantay sa karnero!

Paggunting og usa ka lingin nga sukod sa inyong nawong diha sa papel nga plato. (Tabang: Piloi ang plato og gamay aron makasugod sa paggunting sa tunga.)
Guntinga ang lingin og katunga. I-tape ang piraso ngadto sa plato aron himoon nga mga dunggan.
Papitli og binula nga gapas libot sa papel nga plato. (Makagamit usab kamo og popcorn o marshmallow!)
Opsiyonal: Papitli og tukog sa kawayan ang ilawom sa plato aron magamit isip gunitanan.

Korona sa Mago

Paghimo og mga korona alang sa mga Mago.

Pintali o kolori ang atubangan ug luyo sa papel nga plato. Paugha ang pintal. Dayon piloa ang plato og katunga.
Gamita ang gunting sa pagputol sa tunga sa plato ngadto sa upat ka bahin. (Ayaw lahosa sa paggunting!)
Bukhara ang papel nga plato. Iduot pataas ang mga tumoy aron mura og korona tan-awon. Dayon adornohi kini sumala sa inyong gusto!

Bitoon nga Purong

Isul-ot kini sa inyong ulo ug nga kunohay moakting isip bitoon nga naggiya sa mga Mago ngadto ni Jesus.

Guntinga ang tunga-tunga sa usa ka papel nga plato aron ang mahabilin nimo mao ang liyok nga lingin [rim].
Pagdrowing og bitoon sa usa ka pirasong baga nga papel.
Guntinga ang bitoon ug ipapilit kini ngadto sa rim aron mobarog kini.

Mga Dunggan sa Asno

Himoa kining mga dunggan sa asno nga nagdala ni Maria ngadto sa Bethlehem.

Paggunting og taas nga gilis sa papel. Ipapilit ang isig ka tumoy aron mahimong lingin nga sama sa gidak-on sa inyong ulo.
Paggunting og duha ka porma sa dunggan sa asno gikan sa usa ka piraso nga papel.
Pintali o kolori ang mga dunggan og abuhon [gray] o kape [brown] nga adunay usa ka rosa [pink] nga oblong diha sa tunga.
I-tape ang mga dunggan sa sulod sa papel nga gilingin.