Mga tubag gikan sa usa ka Apostol

Sa Unsang Paagi ang Langitnong Amahan ug si Jesukristo Motabang Kanako?

Ni Elder Ulisses Soares

Sa Korum sa Napulog Duha ka Apostoles

Gikuha gikan sa “Elder Soares offers counsel, blessing in response to young single adults’ heartfelt questions,” Church News, Okt. 18, 2022.

Mga Paghulagway pinaagi ni Tania Rex

Ang Dios nahigugma kaninyo. Siya mopadala sa Espiritu Santo sa paggiya kaninyo alang sa paghimo og maayong mga pagpili.

Ang Dios nasayod sa tanang butang ug mohatag kaninyo og mga tubag sa inyong mga pag-ampo.

Si Jesukristo motabang kanato nga mahimong lig-on kon ang malisod nga mga butang mahitabo.

Si Jesus moayo kanato pinaagi sa Iyang Pag-ula ug motabang kanato nga mobati og kalinaw ug kalipay.