Dali, Sunod Kanako nga mga Kalihokan

Alang sa home evening o pagtuon sa kasulatan—o alang lamang sa kalingawan!

Usa ka Panan-awon sa Langit

Alt text

Mga paghulagway pinaagi ni Katy Dockrill

Alang sa Gipadayag 1–5

Istorya: Ang Apostol nga si Juan adunay usa ka panan-awon sa langit. Nakakita siya sa trono sa Dios nga dunay daghang kolor. Si Juan usab nakakita og mga tawo nga nanagsimba sa Langitnong Amahan ug nagdayeg Kaniya alang sa paghimo sa tanan nga butang. (Tan-awa sa Gipadayag 4:2–3, 10–11.)

Awit: “Ako Nagpasalamat Kanimo, Mahal nga Amahan” (Songbook sa mga Bata, 9)

Kalihokan: Pagdrowing og hulagway sa panan-awon ni Juan. Paggamit og daghang kolor kutob sa imong mahimo! Dayon paghisgot og mga paagi nga imong ikapakita sa Langitnong Amahan nga ikaw mapasalamaton sa Iyang mga panalangin.

Putli ug Limpyo

alt text

Alang sa Gipadayag 6–14

Istorya: Sa usa ka panan-awon, si Juan nakakita og dakong panon sa katawhan nga nanagdayeg ni Jesukristo (tan-awa sa Gipadayag 7:9–10, 13–15). Nagsul-ob sila og puti nga mga kupo aron makita nga sila limpyo ug putli.

Awit: “Buhi ang Manunubos Ko, Niini Nasayod Ako” (Mga Himno, nu. 80)

Kalihokan: Pangita og pipila ka puti nga mga butang, sama sa usa ka puti nga bato, usa ka puti nga panapton, o asukal o asin. Hisgoti kon unsa ang ipasabot sa pagkahimong putli ug limpyo. Sa unsang paagi nga si Jesukristo makatabang kanato nga mahimong limpyo?

Si Jesukristo Mao ang Atong Magbalantay

alt text

Alang sa Pasko

Istorya: Sa dihang si Jesukristo natawo, ang mga magbalantay sa karnero miabot aron sa pagsimba Kaniya. Ang Apostol nga si Pedro mitudlo nga si Jesus mao ang atong Magbalantay (tan-awa sa 1 Pedro 2:25). Kita ang Iyang panon, ug kita makapili sa pagsunod Kaniya.

Awit: “Unang Noel” (Mga Himno, nu. 130)

Kalihokan: Paklia sa pahina 38 aron makahimo og usa ka costume nga karnero. Unsa ang mahimo nimong gamiton aron makapamustura sama sa usa ka magbalantay? Mahimo ninyong dramahon ang pasundayag sa Pagkatawo ni Kristo sa pahina 26 gamit ang inyong mga costume.

Mga ngalan ni Jesukristo

alt text

Alang sa Gipadayag 15–22

Istorya: Gipadayag 22:4 nag-ingon nga ang mga sumusunod ni Jesukristo makabaton sa “iyang ngalan isulat [diha] sa ilang mga agtang.” Kana nagpasabot nga kita mopili sa paghinumdom ug mosunod Kaniya.

Awit: “Kon Siya Moanhi Pag-usab” (Songbook sa mga Bata, 32)

Kalihokan: Buhata ang kalihokan sa pahina 8 aron makat-on mahitungod sa mga ngalan ni Jesukristo. Hisgoti ang mahitungod sa usa ka higayon dihang ikaw misunod sa Iyang ehemplo.

Adto sa pahina 49 alang sa Dali, Sunod Kanako nga mga kalihokan alang sa mas gagmay nga mga bata.