Te tahi fa’ahou ’ite nō Iesu Mesia

E buka pāpa’ira’a mo’a te Buka a Moromona. Mai te Bibilia, e ha’api’i hau atu ā te reira ia tātou nō Iesu Mesia. Nō reira i pi’ihia ai te reira, « te tahi fa’ahou ’ite nō Iesu Mesia ».

Tei roto i te Buka a Moromona te mau ’ā’amu nō te mau peropheta tei ha’api’i ē, e haere mai Iesu Mesia i ni’a i te fenua nei. Tē fa’ati’a ato’a nei te reira nāhea ’oia i te haerera’a i Amerika i muri a’e i tōna ti’afa’ahoura’a, ’e ’ua ha’api’i i te mau ta’ata i reira. Tē ha’api’i nei te reira ia tātou nāhea e ti’a ia tātou ’ia pe’e ato’a iāna.

’Ua here Iesu ia ’oe ’e e tauturu ’oia ia ’oe. Teie te hō’ē poro’i faufa’a roa nō te Buka a Moromona.

Mā’imira’a pāpa’ira’a mo’a !

E aha te buka mātāmua o te Buka a Moromona ?
’O vai te i’oa o te metua vahine ’e te metua tāne o Nephi ?
’O vai te mau taea’e i roto i te ’utuāfare o Nephi i te ha’amatara’a o te Buka a Moromona ?

E nehenehe tā’u e tai’o i te Buka a Moromona !

I muri a’e i tō ’oe tai’ora’a, ’a fa’a’ū i te tuha’a o te hōho’a. E nehenehe ’oe e tai’o i teie mau pāpa’ira’a mo’a e tū’ati i te tai’ora’a tāhepetoma i roto te Mai, pe’e mai.

Hepetoma 1 : Moroni 10:3–5
Hepetoma 2 : 1 Nephi 2:2–7, 16, 19–20
Hepetoma 3 : 1 Nephi 10:17–19
Hepetoma 4 : 1 Nephi 15:23–25