“Ang Punungkahoy ng Buhay,” Kaibigan, Ene. 2024, 26–27.
Mga Kuwento sa mga Banal na Kasulatan
Ang Punungkahoy ng Buhay
Mga larawang-guhit ni Andrew Bosley
Si Lehi ay isang propeta. Sinabihan siya ng Diyos na dalhin ang kanyang pamilya sa lupang pangako. Habang naglalakbay sila, nanaginip siya tungkol sa isang magandang puno. Ang tawag doon noon ay punungkahoy ng buhay.
Ang puno ay may masarap na puting bunga. Napakasaya ng pakiramdam ni Lehi nang kainin niya ito! Ginusto niyang tikman din ito ng kanyang pamilya.
Nakakita rin si Lehi ng isang gabay na bakal na papunta sa puno. Humawak ang mga tao sa gabay na bakal para makarating sa puno at makakain ng bunga.
Ang puno sa panaginip ni Lehi ay parang pagmamahal ng Diyos. Ang gabay ay parang mga banal na kasulatan. Kapag binabasa natin ang mga banal na kasulatan, mas napapalapit tayo sa Ama sa Langit at kay Jesucristo.