Mauri mai Vanuatu!

Reiakina rongorongoia natin Tamara are i Karawa ni kabuta te aonaaba.

Vanuatu bon te aba ae mena n Marawan Te Betebeke. E raka iaon 300 tenga aomata aika a maeka ikekei!

Taetae

Bislama, Ingiriti, ao te taetae ni Buranti bon taetae aika a kabonganaaki. Angiina a kabongana te Bislama!

Tangkyu.

Anne nanona “ko rabwa” n te Bislama!

Ana Boki Moomon

E rairaki Ana Boki Moomon n te Bislama i nanon 2004. Mai ikanne, e raka i aon 8,000 aomata aika a kaina te Ekaretia i Vanuatu!

Aban taari

E kinaaki Vanuatu ni bikena ae tamaroa ao taarina ae itiaki man buruu. Tabeua bikena a bon roroo tanoia!

Te Mwane ae Kirimatamata

E takiakia karan Mwanen Vanuatu are e kaota bannan te maiu n te aba ao aroka ao maan ake a maeka ikekei.

Waaki ni Kakukurei

Baunuea aika Uee

Ibukin bukamaru ao bootaki, kain Vanuatu a kabonganai baunuea uee aika kirimatamata.

Korei beeba ae mwaiti karana n tein te uee. Karaoa te bwangabwanga i nuukan uee n tatabeua nako. Korea te kora ae tau abwakina are e na kona n toka i aon atuum. Kabaea te uee te beeba n te kora. I mwiina kabaei bukin tabon te kora n ikoti. E a tauraoi am bau ni kabonganaaki!

Bwaina

Keeke ni Ben

Keeke ni Ben bon te amwarake ni bobotaki ae tatangiraki i Vanuatu. Aio bwaina ngkana ko kona ni kataia!

1. Kabobooa ½ te mwangko n tioka ao ¾ bwata ae ran i nanon te boora.

2. Kabwaka 2 te bunnimoa ao kabobooa.

3. Kabwaka ½ mwangko te buraawa, 1 mwngko ni ben ae kokoaki, ao 1 buun n amwarake te baking powder.

4. Kabwaroa i nanon booran te keeke ae kiritinaki ao umunna inanon 20 te miniti ni kabuebuena ae 300°F (150°C).

Kakoauaa bwa e reke buokam iroun ae e ikawai!

Kamataata n te Tamnei iroun Anna Oldroyd