Tera ae Mena n Am Iango?

N na kanga n ataia bwa bon te Tamnei ae Raoiroi ke bon ngai?

—Wirikirikinaki i Paris

Nakoia Ake a Tia n Karekea te Wirikiriki,

E kona ni kairiko riki te Tamnei ae Raoiroi nakon are ko iangoia. Ngkana koa tia ni bwabetitoaki ao ni kamatoaaki ao ko kakaraoi am kabanea n tamaroa ni kawakin tua, ko kona ni “karekea n tainako te Tamnei bwa e na raorao[niko]” (Reirei ao Berita aika Tabu 20:77). Ma kona kanga n ataia?

E kairiira te Tamnei ae Raoiroi bwa ti na “karaoa ae raoiroi” (Reirei ao Berita aika Tabu 11:12) ao ni buokiira n “atai koauan bwaai ni kabane” (Moronaai 10:5). Ngkana iai am iango ni karaoa te bwai ae raoiroi ke n namakina ana tangira te Tia Kamaiu, bon mairoun te Tamnei ae Raoiroi!

N angiin te tai, te Tamnei ae Raoiroi e aki kabongana te bwana ae takarua ke n anga te namakin ae korakora. E beebete man rau. Reiakinam n iriira te Tamnei Ae Raoiroi e nakon kakaraoana.

Ko kona ni karaoa aio!

Te Rao

A kaotai kawaira n okirikaaki nakon Tamara are i Karawa iango ao namakin mairoun te Tamnei ae Raoiroi. Karanii taura aikai ngkana ko tia n warekia bwa tera angaa tabeua ae e kona ni buokiko iai te Tamnei ae Raoiroi.

E kona te Tamnei Ae Raoiroi . . .

• kaona nanou n te tangira, kimwareirei, rau, onimaki, ao te kantaninga.

• anganai iango n ibuobuoki ao ni beku.

• buokai n uringi bwaai aika a raraoi.

• buokai n ata ae e koaua.

• buokai n ota n te bwai are I reiakinna.