Kakauongo nakon te Tamnei ae Raoiroi

Iroun Warner B., 11 ana ririki, Utah, USA

Te ataeinimwaane ngke e kamwangkokoi baina i taningana

I nanon tain te bootaki n utu n te tairiki, n te tai teuana, e taetae tinau i aon taekan te Tamnei ae Raoiroi. E taku bwa n tainako te Tamnei ae e raoiroi e taetae man anganiko te iango n am iango.

Ngke e taekina anne, I bon rang mimi. Bon i mwain anne, I tataro ao I bubutia Tamau are i Karawa bwa e na buokai n ongo iroun te Tamnei ae Raoiroi. Ma I aki ataia ae te Tamnei ae Raoiroi e kona n taetae nakoiu n au iango n aron anne. I nanon maiu I tia n karekei iango aika a kairai bwa N na rinea te eti. Ngkai I a ataia bwa iango akanne a roko mairoun te Tamnei ae Raoiroi!

Mai ikanne, I a kona riki n ata te Tamnei ae Raoiroi n ae bati riki. Mo bon te Tabati ae nako, ti a manga karaoa naba ara kai n utu. N te tai aei ai bon i aon taekan te kakoaua. I aki raoi ataia bwa tera te kakoaua, ngaia are I a titirakina tamau. E tuangai bwa te kakoaua bon te bwai are ko ataia ke ko kakoauaa bwa e bon koaua. E taku bwa ti karekei ara kakoaua mairoun te Tamnei ae Raoiroi. I mwiina I a iangoia bwa I kanga ni kina riki te Tamnei ae Raoiroi, ao BOOM! E a reke naba au koaua!

Ataakin aei e a karekea riki te namakin ae kakukurei riki. I tangiria n riki bwa te tia iriira Iesu Kristo ae tamaroa riki ao ni kakauongo n tainako nakon te Tamnei ae Raoiroi.