“Mwaakan te Tembora,” Te Rao, Meei 2024, 2– 3.
Te Rongorongo man te Maungatabu mairoun te Burabeti
Mwaakan te Tembora
Te rongorongo ae anaaki taekana man “Kimwareirei n te Bwaintituaraoi are Kiingin te Nakoanibonga” Riaona, Meei 2024, 119–21.
Inanon Maati, Ana Ekaretia Iesu Kristo ibukiia Aika Itiaki ni Boong aika Kaitira e kabooa te Kirtland Tembora. E rangi ni kakawaki te tembora aei bwa bon mwakoron kaokakin Ana euangkerio Iesu Kristo.
N Eberi 3, 1836 e kaoti Iesu Kristo nakon Iotebwa Timiti ao Oliver Cowdery n te Kirtland Tembora. E butimwaea te tembora te Tia Kamaiu bwa Ana auti. Imwiina E berita, “N na kaotai nakoia au aomata n te nanoanga n te auti aei. (Reirei ao Berita aika Tabu 110:7). Te berita aei e kaineti nakon tembora ni kabane n te bong aei.
Inanon te tembora, ko kona ni karekei kaeka nakon titiraki. Ko kona naba ni karekea te onimaki, kakorakora, karaunano, ataibwai, ao te mwaaka. Kabanean am tai n te tembora e na buokiko n iango n tiretio ao n noria bwa antai raoi ngkoe ao antai ae ko kona n riki ni katotoonga. E na buokiko n ataia bwa e kanga arom i nanon ana babaire te Atua ae moan te nakoraoi. I berita nakoim anne.
Te Tembora i Kirtland
Te Waaki ni kakukurei ae Raeaki
Koreanako rarikin te Kirtland Tembora. Imwiina rukum ni kabane rain ake a katanetaneaki ao teibin iteraia ao taubukina.
Teraa Te Kirtland Tembora?
E kateaki te Kirtland Tembora i Kirtland, Ohio, USA n 1836. Bon te moan tembora n te Ekaretia ae kaokaki.
Imwiina, kaain te Ekaretia a katukua imwiia ngke a mwaing nako maeao. Te ekaretia teuana ae e a manga tararuaa te kateitei inanon ririki aika bati. N te tai ae aki maan n nako, Ana Ekaretia Iesu Kristo ibukiia Aika Itiaki ni Boong aika Kaitira e kabooa te Tembora.
Korobanna iroun David Green