“Manga Itiaki,” Te Rao, Meei 2024, 18–19.
Manga Itiaki
I a bon aki kona n rinea ae eti i nanon teuana te bong! E iango Emily.
E riki te karaki aei i USA.
E tei inanon te ran Emily ma Tamana ao e moangare. E a kaman kariaria te bong aei i nanon wiiki aika a bati! E bukibuki manawana ibukina bwa e tuai man tebo n te ran mai i mwaina. Ma e ingainga nanona ni bwabetitoaki n ai aron are e karaoia Iesu Kristo.
E kamakiia matana ao e ongora n ana tataro ni bwabetito Tamana are e taekinna. I mwiina e bonota bwairina, kamatui matana, e tura i aon bubuan waena ngke e kateboa Tamana i nanon te ran.
E waekoa ni katikia ni kaokia Tamana, ao e bwaronako te ran mai i aona. E kaoa te rannimata Emily mai matana, ma e bon moangare. E namakina te kaokoro ngkai. Te namakin ae boou, ae kakukurei e kaona nanona. E tangiria bwa e na teimatoa n namakinna n taainako!
E rabwatia ni konna Tamana. I ata aron kateimatoan te namakin ae tamaroa aei, e iango Emily. Te bwai ae N na karaoia bon rinean ae eti ao n riki n ai aron Iesu Kristo! E namakinna raoi bwa e kona ni karaoia.
Ngke a roko ni mweengaia, E kabirimwaaka man te kaa Emily nakon te mataroa. Ai aron naba ma mwanena ae aua ana ririki ae, Jonah. Ngke e roko n te mataroa Emily ao e nang kaukia, e katika ririna Johah ao e tineia—ni kamatoa.
“Ko na aki!” E takarua Emily. E katikaa nako ririna mai baina. I mwiina e tuuka kawaina bwa e na aki rinnako moa. E namakina te un!
E karina n toki. E taonna te namakin ae aki nakoraoi. E kararoa man te kawai ao e angan Johah bwa e na biri n rin.
“Kabwara au bure!” e wewete nakoina. E a tibwa tia ni karaoa te rinerine ae kairua. E aki kona n takaarua te Tia Kamaiu nakon Jonah. E kanga ni kaburea torona? A bua ana namakin ae kakukurei.
I a kaburea torona, e iango. I a bon aki kona n rinea ae eti i nanon teuana te bong!
Te bong are i mwiina bon te Tabati. Ngke e katauraoia Emily nakon te taromauri, e iangoa arona n takarua nakon Jonah. E teimatoa n aki raoiroi nanona.
N tain te bootaki n toa, e tuanga Emily te bitiobi bwa e na waerake nako moa. E nang tauraoi ni kamatoaaki. Nanon ane bwa e nang karekea te bwaintituaraoi ae te Tamnei ae Raoiroi. E tekateka i aon ana kaintekateka. E karaurau Tamana ni katokai baina iaon atuna.
E kamakii matana Emily ngke e a waaki Tamana. E a ongo ngke e taekina te taeka ae, “Karekea te Tamnei ae Raoiroi.”
E reitinako n ongora Emily.
“Emily, uringa n taainako bwa rinanon Iesu Kristo, ko kona n raira nanom ngkana ko karaoa te rinerine ae kairua,” e taku Dad. “Ni katoa tai n anaakin te toa, ko kona n iangoa te berita ae tabu are ko karaoia ngke ko bwabetitoaki. Ko kona ni manga berita bwa kona iriiria.”
Ngke e bane ana kakabwaia Tamana, E namakina te kukurei ao te rau Emily. E ataia bwa e tuangnga te Tamnei ae Raoiroi bwa bwaai ni kabane a na nakoraoi. E aoria ngkana e aki kororaoi. Rinanon Iesu Kristo ao Ana Mwakuri ni Kamaiu, e kona n raira nanona ao ni kabwaraaki ana bure! E kabwarabure ngke e takarua nakon Jonah, ao Tamara are i Karawa e ataia bwa e kona ni kekeiaki n tainako.
E wiingare Emily ngke e okirikaaki ma Tamana nakon aia kaintekateka. E na karaoaki te toa e na karaoaki i mwiina, ao e ingainga nako iai Emily.
Kamataatan korotamnei iroun Audrey Day