Te Marooro ma Isabela i aon Berita Aika A Tabu

Isabela bon kain Alajuela, Costa Rica. Ti anganna tabeua titiraki i aon kakaawakin kawakinan ana berita n te bwabetito.

Taekina rongorongom nakoira.

Ai 13 au ririki ni maiu. I tatangiria ni butibooro, kuuka, waewae, uaua, ao buokakiia aomata. Kanoan miiu bwa N na riki bwa taokitaia maan ibukina bwa I tatangiria ni buokiia maan. Kanau ae I tatangiria bon te spaghetti ao te pizza, ao au kara ae I tatangiria bon te beebo.

Ko kanga ni kawakina am berita n te bwabetito?

I raira nanou ao I butimwaea te toa ni katoa wiiki. Iai nakoaua n au kiraati irouia Ataeinnaine, ao I kataia ni karaoia n taua ma nanou. I kawakini naba au berita man buokakiia aomata.

Tera ae ko karaoia ni buokiia tabeman?

I tatangiria ni buokiia au utu. N tabetai I takakaro ma ai tariu ae teniua ana ririki, ngkana a nako ni mwakuri ana karo. I tatangiria ni buokiia tibu ngkana a kainnanoai. I bubuokiia naba raou n reirei ni kamatebwai ibukin te ukeuke n taetae ni Buranti n te reirei.

Tuangiira riki rongorongon nakoam anne.

Ngai te moan kauntira n aia kiraati Kairake n Ataeinnaine. Tabeu bon te mwakuri n ibuobuoki nakoia kairake n ataeinnaine. Aio nanona N na buokiia ni bwaai nako ake a kainnanoi. I kaei kiraati ao waaki ni kakukurei, ao I kataia n iraorao nakoia ataeinnaine ake tabeman n au kiraati ake aki roroko.

Tera am taeka n reirei nakon temanna ae tibwa karekea ana moan wewete?

N na tuangiia bwa a na aki kanakoi nanoia. Te nakoa ai bon aron am kona n ibuobuoki n ana mwakuri Tamara are i Karawa. Te kawai ae te kabanea n tamaroa ni buokakiia aomata bon man am banna ni katoto!

Kamataataan korotamnei iroun Vivian Mineker