“A Tataro i Nanoia Ana Botanaomata Aramwa,” Te Rao, Meei 2024, 26–27.
Karaki man Booki Aika Tabu
A Tataro i Nanoia Ana Botanaomata Aramwa
Kamataatan korotamnei iroun Andrew Bosley
Aramwa bon te burabeti are e reireiniia aomata. A bwabetitoaki naake a kakoaua. A karaoa te berita bwa a na iriira te Atua.
Te aomata ae buakaka ae arana Amuron e riki bwa te tia tautaeka i aoia ana botanaomata Aramwa. E rangi ni buakaka nakoia. E anganiia uotaia aika a rawawata.
A tataro Aramwa ao ana botanaomata ibukin buokaia. Ma e karaoa te tua Amuron bwa e na tiringaki te aomata are e tataro.
A katoka aia tataro ni kabaibati aomata. Ma a teimatoa n tataro i nanoia ao n aia iango. E kaekai aia tataro te Atua!
E ataia te Atua ae a tia ni karaoa te berita ae tabu ma Ngaia. E berita bwa e na kakorakoraia. E karaui nanoia ao e kabebetei uotaia. I mwiina, e bon buokiiia te Atua bwa a na birinako mairoun Amuron ao ni mwananga nakon te tabo ae mano.