“Tain Te Karaki man Koroboki aika a Tabu,” Te Rao, Meei 2024, 30–31.
Koroboki Aika Tabu Tain te Karaki
“Iai ae iai ana boki ae a tangiria bwa N na warekia n te bong aei?” Mr. E titiraki Otoo.
E riki te karaki aei i Ghana.
“Ai tain te wareware,” Mr. E taku Otoo.
E kaeta nuukana n tekateka raoi Nyameye. E kaunga tain te wareware!
Ni katoa bong n te reirei, e wareka te boki n kabaibaiti aia tia reirei nakoia kain te kiraati. N tabetai e wareka taekaia maan. N tabetai e wareka rongorongoia aomata n aba tabeua. Ao n tabetai e titirakiniia kaain te kiraati ngkana iai aia boki ae a tangiria bwa e na warekia nakoia.
“Iai ae iai ana boki ae a tangiria bwa N na warekia n te bong aei?” Mr. E titiraki Otoo.
E katea baina Nyameye. “Iai ngai.” E anaa ana baeki ao e kaotinakoa ana boki ae tatangiria. Bon te boki ni karaki man Ana Boki Moomon! E uotia bwa e na warekia i mwiin te reirei ngkana e tataningaa rokon tinana n anaia. Noorakin tamnei e buokia n ota ni karaki man korobki aika a tabu.
Mr. E moangare Otoo ngke e noora te boki ae bubura. “E aki tau ara tai ae ti na kona ni warekia iai ni kabane. Iai te mwakoro ae ko tangiria bwa N na warekia?”
“Eng,” e taku Nyameye. E raira baana ni karokoa e kunea te karaki are e tatangiria. Ko kona ni wareka aei, taiaoka? E aranaki bwa ‘Miin Riaai.’”
“Tera rongorongon te karaki aei?” Mr. E titiraki Otoo.
“Bon karakinan te burabeti are e karekea te mii. E noora te aroka ae tikiraoi ma uaana ae kangkang.” E kotea tamnein te aroka Nyameye. “E tangiriia ana utu bwa a na kana te uanikai ma ngaia. Ko kona ni warekia?” E angan ana tia reirei te boki Nyameye.
“O eng,” Mr. E taku Otoo. E a waaki ngkanne ni warekia ni kabaibati. E wareka rongorongon te kawai ae irariki are e tiki nakon te aroka. E wareka rongorongon te kai te biti. Ao e wareka taekan kawakinan tuua.
E katea baina raoraon Nyameye ae Selorm. “Tera te aekaki n aroka anne?” e titirakina Nyameye.
“I aki ataia,” e taku Nyameye. “Ma e rang tamaroa te uanikai. E bae n rang tamaroa riki nakon uaan te mwangkoo!” I mwiina e tei n iango Nyameye. “N te taromauri, I reiakinna bwa te uanikai e tei ibukin ana tangira te Atua. E oota ngkanne ngkai e bon rang kangkang ao e onoti!”
Ngke e bwara te kiraati, e tekateka i tinaniku n tataningaa tinana Nyameye. E kaotinakoa ana boki ni karaki n Ana Boki Moomon ni wareki riki tabeua.
“Anne te karaki ae rang tikiraoi,” e taku Selorm. E tekateka i rarikin Nyameye. “I kona ni wareka teuana riki ma ngkoe?”
“Eng!” E raira te boki nakon te karaki teuana Nyameye. A wareka rongorongon Abinataai ao te Uea ae Noa.
A mwaiti riki raoia n reirei aika roko n ongora. Ngkana iai aia titiraki, e kaekaia Nyameye. E bon titirakiniia naba ni kamwaningaia n te karaki are a warekia!
I mwiina e noora tinana Nyameye n nakonako ni kainetiia. “Kam rabwa n ami wareware ma ngai,” e taku nakoia ataei ake tabeman. E kaina ana boki ao e wiingare. E kukurei bwa a tangira te karaki aika mamaten nanona raoraona n ai arona naba ngaia ae tatangiria.
Kamataatan korotamnei iroun Zhen Liu