Nakomai, Iriirai Waaki ni Kakukurei,” Te Rao, Meei 2024, 28–29.
Nakomai, Iriirai Waaki ni Kakukurei
Ibukin bootakin te utu n te tairiki ke kamatebwaian booki aika tabu—ke tii ibukin te kaungaunga!
Tou Mwiin Kawaina
Ibukin Motiaea 4–6
E kawakin tuua te Uea Motiaea ao e “nakonako ni kawain te Uea” (Motiaea 6:6). I aon te mwakoro ni beeba, korea tamnein te mwaneka ao korea te tamnei anne. I aon am mwane anne korea te kawai n iriira Iesu. Katuka am mwaneka anne n te tabo are ko kona n uringnga iai ni iriira ana banna ni katoto Iesu Kristo.
Iriira te Burabeti
Ibukin Motiaea 7–10
E reirei Amon bwa burabeti a kona n noori bwaai aika a na riki (taraa Motiaea 8:16–17). Rairia nakon iteraniba 2 ni wareka ana rongorongo Beretitenti Nelson man te maungatabu ni kabuta. Tera ae e reiakiniira? Korea tamneina ao kanakoa nakoira nakon te Rao.
Te Taura i nanon te Roo
Ibukin Motiaea 11–17
E reirei Abinataai bwa Iesu Kristo bon “te oota ae aki totoki, ae aki kona ni karooaki” (Motiaea 16:9). Karaba te bwai teuana n te auti. Tiringa te taura ao tuangiia ni kabane bwa a na kataia ni kakaea i nanon te roo. Ngkanne karaba te bwai ao kataia ni kakaea ma te taura ae ura ke ma te tooti. Enga te kawai ae beebete riki? E kanga Iesu ni buokiira n ai aron buokakira n te ota?
Kabaeakin Naano n te Katiteuanaaki
Ibukin Motiaea 18–24
E reireiniira Aramwa bwa ti na booti “nanora n te nano ae ti teuana i nanon te tangira” (Motiaea 18:21). Nanon anne bwa ti riai ni uaia ni mwakuri ao ni kaota ara tangira nakoia tabeman. Karaoa te kora man ati bwa e na kauringko! Korei kanakoi tabeua beeba n ati ao korei araia kain am utu i aoia ni katoaia. Kabwangabwangai ati akanne ao karina te kora inanoia bwa aonga ni kabaeaki ati akanne. Katinetinei ati ake a kabaeaki akanne n te tabo are ko kona iai n nonori!
Kamataataan korotamnei iroun Katy Dockrill