Baika a na Taraaki n te Maungatabu

Motinano ni Kawakin Berita aika Tabu

Beretitenti Oaks e reirei bwa te berita bon te motinano ni karaoakin bwaai. Te katooto, taokita ao taan tiriai a berita bwa ana beku ibukiia aomata n aia kawa. Ngkana ti karaoi berita aika a tabu ma Tamara are i Karawa, n aron ngke ti bwabetitoaki, ti berita bwa ti na beku Ibukina ao n ongeaaba nakon Ana tua. E kakabwaiaira ngkana ti kawakina ara berita.

E reireinai aio:

Reitinako ni Buuru

Unimwaane Renlund e taetae iaon mwanangaia n te waa ae uarereke ike e buuru n rimoaia ana utu. Ngke e toki, e oroia te nao nako taari. E tuangnga te tia kairiia bwa e na reitinako ni bwennarina bwa e aonga ni buti ao n aki baraaki. Ngkana ti reitinako ni “buuru” nakon te Tia Kamaiu, ti kona n tiku ni kamaiuaki ao ni mano.

E reireinai aio:

Karekean te Koaua

Beretitenti Pace e tibwaia bwa e kanga ngke 11 ana ririki, tinana e titirakinna ngkana e ataia i bon irouna bwa e koaua te euangkerio. E iangoia bwa e na wareka Ana Boki Moomon ao n tataro bwa e na ataia. Ngke e karaoia, e namakina te mweraoi ao te rau mairoun te Tamnei ae Raoiroi. Aio ae e buokia ni karekea oin ana koaua.

E reireinai aio:

Nimaua Atiibu

Titita Spannaus e karakina rongorongon Tawita ao Koria. N aiaron Tawita ae iai irouna nimaua atiibu ni kaitara Koria, aikai bon nimaua “atiibu” ake a na buokiko ni kaitarai kangaanga n te maiu. Aikai bon te tangira ibukin te Atua, te onimaki iroun Iesu Kristo, atakina bwa ngkoe natin te Atua, te rairannano ni katoabong, ao karekean mwaakan te Atua.

E reireinai aio:

Kamataata n te Tamnei iroun Josh Talbot