Talofa mai Vanuatu!

Aoao e uiga i fanau a le Tama Faalelagi i le lalolagi atoa.

O Vanuatu o se atunuu o le motu teropika[tropical] i le Vasa Pasefika. E silia ma le 300 afe tagata e nonofo ai iina!

Gagana

O Le Bislama, Igilisi, ma le FaaFarani o gagana aloaia ia. E toetoe lava o tagata uma e tautatala i le Bislama!

Tangkyu.

O lona uiga o le “faafetai” i le faaBislama!

O Le Tusi a Mamona

Na faaliliuina le Tusi a Mamona i le Bislama i le 2004. Talu mai lena taimi, pe tusa ma le 8,000 isi tagata ua auai i le Ekalesia i Vanuatu!

Motu Teropika

Ua lauiloa Vanuatu i ona matafaga matagofie ma le vai manino lanumoana. O nisi o matafaga e i ai foi oneone uliuli!

Tupe Felanulanuai

E i ai i Vanuatu tupe lanu sesega lea e faaalia ai vaaiga mai le olaga i luga o motu ma laau ma manu e nonofo ai iina.

Gaoioiga

O Pale Fugalaau

Mo faafiafiaga ma sauniga, e fai e tagata i Vanuatu ni pale fugalaau felanulanuai.

Tipi pepa lanu i ni siepi fugalaau. Fai se tamai pu i le ogatotonu o fugalaau taitasi. Oti se manoa ia lava le umi e so’o faataamilo ai lou ulu. su’i fugalaau pepa i luga o le manoa. Ona nonoa faatasi lea o pito o le manoa. Ua saunia lou pale e ofuina!

Fua o le Kuka

Keke Popo

O le keke popo o se meaai lauiloa i Vanuatu. O se fua lenei e mafai ona e faataitaia!

1. Palu le ½ ipu suka ma le ipu e ¾ o le pata suavaia i totonu o se pesini.

2. Faaopoopo i ai fuamoa e 2 ma saeu faatasi.

3. Saeu iai le ½ ipu falaoamata, 1 le ipu penu, ma le 1 le sipuni ti o le pauta fefete [baking powder].

4. Sasaa atu i totonu o se apa keke lapotopoto ua uma ona faaga’o ma tao mo le 20 minute i le 300°F (150°C).

Ia mautinoa e i ai se tagata matua e fesoasoani atu!

Galuega o ata na saunia e Anna Oldroyd