“Taimi o Tala o Tusitusiga Paia,” Uo, Me 2024, 30–31.
Taimi o Tala o Tusitusiga Paia
“E i ai se tasi e i ai se tusi latou te mananao ou te faitauina i le aso?” O le fesili lea a Mr. Otoo.
O lenei tala na tupu i Ghana.
“Ua oo i le taimi faitau,” . na fai atu ai Mr. Otoo.
Sa nofo sa‘o i luga Nayameye. Sa manaia le taimi o faitauga!
O aso uma i le aoga, e faitau leotele ai e lo latou faiaoga se tusi i le vasega. O nisi taimi na te faitau ai e uiga i manu. O nisi taimi sa ia faitau ai e uiga i tagata i isi atunuu. Ma o nisi taimi sa ia fesili ai i le vasega pe i ai sa latou tusi latou te mananao ia te ia e faitau.
“E i ai se tasi e i ai se tusi latou te mananao ou te faitauina i le aso?” O le fesili lea a Mr. Otoo.
Na sii le lima o Nyameye. “O a’u!” Sa ia aapa atu i totonu o lana ato ma toso mai i fafo lana tusi e sili ona fiafia i ai. O se tusi tala o le Tusi a Mamona! Sa ia aumaia e faitau pe a tuua le aoga a o ia faatalitali mo lona tina e piki o ia. O le vaaia o ata na fesoasoani ia te ia e malamalama ai i tala o tusitusiga paia.
Sa ataata Mr. Otoo ina ua ia vaaia le tusi telē. “O le a leai so tatou taimi e faitau uma ai. E i ai se vaega faapitoa e te manao ou te faitauina?”
“Ioe,” o le tala lea a Nyameye. Sa ia faasolosolo atu i itulau seia oo ina ia maua lana tala e sili ona fiafia i ai. “E mafai ona e faitauina lea, faamolemole? E ta’ua o le miti lea a Liae.’”
O le a le mea o faatatau i ai lenei tala?” Sa fesili atu ai Mr. Otoo.
“E faatatau i se perofeta sa maua se faaaliga vaaia. Sa ia vaaia se laau matagofie ma ni fua suamalie.” Sa tusi atu Nyameye i se ata o le laau. “Sa manao o ia i lona aiga e aai faatasi ma ia le fua. E mafai ona e faitauina?” Sa tuuina atu e Nyameye i lona faiaoga le tusi.
“Ioe,” sa faiatu ai Mr. Otoo. Ona amata lea ona ia faitau leotele. Sa ia faitau e uiga i le ala vaapiapi e tau atu i le laau. Sa ia faitau e uiga i le ai uamea. Ma sa ia faitau e uiga i le tausia o poloaiga.
Sa sii le lima o le uo a Nyameye o Selorm. “O le a le ituaiga laau?” na ia fesili atu ai ia Nyameye.
“Ou te le iloa,” sa tali atu ai Nyemeye. “Ae sa manaia tele le fua. E tatau ona sili atu nai lo se mago!” Ona taofi lea o Nyameye e mafaufau. “I le lotu, sa ou aoaoina ai o le fua e faatusa i le alofa o le Atua. O lea e talafeagai ai le matuai manaia o le tofo ma faapitoa!”
Ina ua uma le vasega, sa saofai Nyameye i fafo e faatali lona tina. Sa ia aumaia i fafo lana tusi tala o le Tusi a Mamona e faitau atili ai.
“Seki a le tala le la,” o le tala lea a Selorm. Sa nofo o ia i talaane o Nyameye. “E mafai ona ou faitauina faatasi ma oe se isi?”
“Ioe!” Sa liliu atu Nyameye i se isi tala. Sa la faitau e uiga ia Apinati ma le Tupu o Noa.
O nisi tagata o le lavasega na omai e faalogologo. A i ai ni a latou fesili, ona tali atu lea e Nyameye. Sa ia fai atu foi ia i latou ni fesili e suesue ai i latou e uiga i tala sa latou faitauina!
E le’i umi ae vaaia e Nyameye lona tina o savali agai atu ia i latou. “Faafetai mo le faitau faatasi ma a’u,” na ia fai atu ai i isi tamaiti. Sa ia tapunia le tusi ma ataata. Sa fiafia o ia ona sa fiafia ana uo i tala e sili ona ia fiafia i ai e pei o ia.
Ata na tusia e Zhen Liu