“Ua Tatalo le Nuu o Alema i o Latou Loto,” Uo, Me 2024, 26–27.
O Tala o Tusitusiga Paia
Ua Tatalo le Nuu o Alema i o Latou Loto
Ata na tusia e Andrew Bosley
O Alema o se perofeta na aoaoina tagata. O i latou na talitonu na papatisoina. Sa latou osia se feagaiga e mulimuli i le Atua.
O se tamaloa amioleaga e igoa ia Amulona na avea ma pule i le nuu o Alema. Sa matua agaleaga lava o ia ia i latou. Sa ia faia ia latou tauave avega mamafa.
Sa tatalo Alema ma lona nuu mo se fesoasoani. Ae sa faia e Amulona se tulafono e faapea o soo se tasi e tatalo o le a fasiotia.
Sa le toe tatalo leotele tagata. Ae sa latou tatalo pea i o latou loto ma mafaufau. Sa tali mai le Atua i a latou tatalo!
Sa silafia e le Atua sa latou osia se feagaiga ma Ia. Sa Ia folafola atu o le a latou malolosi. Sa Ia faamafanafanaina i latou ma faamāmāina a latou avega. Mulimuli ane, na fesoasoani foi le Atua ia i latou e sosola ese mai ia Amulona ma malaga atu i le saogalemu.