“O Tusigamanatu o le Konafesi,” Uo, Me 2024, 5.
O Faamatalaga o le Konafesi
Tautinoga o Feagaiga
Na aoao mai Peresitene Oaks o se feagaiga o se tautinoga e faia ni mea patino. Mo se faataitaiga, o fomai ma le au fuimu e osifeagaiga e auauna atu i tagata i o latou nuu. Pe a tatou osia feagaiga ma le Tama Faalelagi, e pei o le taimi tatou te papatiso ai, tatou te folafola atu e auauna atu ia te Ia ma usitai i Ana poloaiga. Na te faamanuiaina i tatou pe a tatou tausia a tatou feagaiga.
O lea mea ua aoaoina ai a’u i:
Alo Pea
Sa faamatala e Elder Renlund se malaga alo kaiaki lea sa ia alo ai i luma atu o lona aiga. Ina ua ia tu, sa taia o ia e se galu ma pa’ū ai i le sami. Sa fai atu le taiala ia te ia e alo pea ina ia agai ai i luma ae le pa’ū. Afai tatou te “alo” pea agai i le Faaola, e mafai ona tatou tumau i le saogalemu ma le mautu.
O lea mea ua aoaoina ai a’u i:
Mauaina o se Molimau
Sa faasoa mai e Peresitene Pace le auala na fesili ai lona tina ina ua 11 ona tausaga pe na te iloa mo ia lava e moni le talalelei. Sa filifili o ia e faitau le Tusi a Mamona ma tatalo ia iloa. A o ia faia, sa ia lagonaina le mafanafana ma le filemu mai le Agaga Paia. Na fesoasoani lenei mea ia te ia e maua ai lana lava molimau.
O lea mea ua aoaoina ai a’u i:
Maa e Lima
Sa faamatala e Sister Spannaus le tala e uiga ia Tavita ma Koliata. E pei lava ona i ai ia Tavita ni maa se lima e tau ai ma Koliata, e lima foi “maa” e fesoasoani ia te oe e feagai ai ma luitau o le olaga. O le alofa lenei mo le Atua, faatuatua ia Iesu Keriso, ma le iloaina o oe o se atalii/afafine o le Atua, salamo i aso taitasi, ma le mauaina o le mana o le Atua.
O lea mea ua aoaoina ai a’u i:
Ata na tusia e Josh Talbot