“Mana o le Malumalu,” Uo, Me 2024, 2–3.
O Se Savali o le Konafesi mai le Perofeta
Mana o le Malumalu
Sii mai le “Olioli i le Meaalofa o Ki o le Perisitua,” Liahona, Me 2024, 119–21.
Ia Mati, na faatauina ai e Le Ekalesia a Iesu Keriso o le Au Paia o Aso e Gata Ai le Malumalu o Katelani. O lenei malumalu sa o se vaega taua o le toefuataiga o le talalelei a Iesu Keriso.
I le aso 3 Aperila, 1836 sa afio ifo ai Iesu Keriso ia Iosefa Samita ma Oliva Kaotui i le Malumalu o Katelani. Na talia e le Faaola le malumalu o Lona fale. Ona Ia folafola mai lea, “Ou te faaali atu a’u lava i lo’u nuu i le alofa mutimutivale i lenei fale” (Mataupu Faavae ma Feagaiga 110:7). O lenei folafolaga e faatatau i malumalu uma i aso nei.
I totonu o le malumalu, e mafai ona e maua ai tali i tatalo. E mafai foi ona e maua le faatuatua, malosi, faamafanafanaga, malamalama, ma le mana. O le taimi i totonu o le malumalu o le a fesoasoani ia te oe e mafaufau ai i le selesitila ma iloa ai po o ai moni oe ma po o ai e mafai ona avea ai oe. O le a fesoasoani ia te oe e malamalama ai i le auala e te fetaui ai i le fuafuaga matagofie a le Atua. Ou te folafola atu lena mea ia te outou.
Malumalu o Katelani
Gaoioiga ‘Oti’oti
Oti faataamilo i pito o le Malumalu o Katelani. Ona gaugau lea i luga o laina togitogi ma faapipii faatasi itu ma le taualuga.
O le a le Malumalu o Katelani?
O le Malumalu o Katelani na fausia i Katelani, Ohaio, ISA, i le 1836. O le uluai malumalu lea o le Ekalesia toefuataiina.
Mulimuli ane, sa tatau i tagata o le Ekalesia ona tuua ae siitia atu i sisifo. Sa tausia e se isi lotu le fale mo le tele o tausaga. Talu ai nei, na faatau mai ai e Le Ekalesia a Iesu Keriso o le Au Paia o Aso e Gata Ai.
Atavali na saunia e David Green