O Ai le Tupu o Peniamina?

O le Tupu o Peniamina o se perofeta a le Atua ma o se tupu amiotonu. Sa ia faapotopotoina lona nuu e aoao i latou. Sa tu o ia i luga o se olo ina ia mafai ai e le toatele o tagata ona lagona o ia. Sa faatutu e tagata ni faleie faataamilo i le olo e faalogo ai. Sa pei o le konafesi aoao!

Na aoao mai le Tupu o Peniamina o le a soifua mai Iesu Keriso i le lalolagi. O le a faia e Iesu vavega. O le a puapuagatia o Ia ma maliu mo agasala a tagata uma. O le a maliu o Ia ma toetu mai ina ia mafai ai ona toe feola uma i tatou!

Tagata o loo faalogologo i le Tupu o Peniamina

Na valaaulia e le Tupu o Peniamina le nuu e ave i o latou luga le suafa o Keriso. O lona uiga sa latou osia se feagaiga, po o se folafolaga, e mulimuli i le Atua ma tausi Ana poloaiga.

O le asō, ua tatou faaali atu ai ua tatou naunau e tauave i o tatou luga le suafa o Keriso pe a tatou papatiso.

Lu’i o Tusitusiga Paia

Ina ua uma ona faalogo tagata i le Tupu o Peniamina, o ai na osia se feagaiga ma i latou? (Mosaea 5:5)
O le a le mea na ta’u atu e Apinati i le Tupu o Noa sa manaomia ona ia faia ina ia faaolaina ai? (Mosaea 12:33)
Ina ua omai Alema ma Helama mai le vai, sa faatumulia i la’ua i le a? (Mosaea 18:14)

E Mafai ona Ou Faitauina le Tusi a Mamona!

A uma ona e faitau, valivali se vaega o le ata. E mafai ona e faitauina mau nei ia e o faatasi ma le faitauga o vaiaso taitasi mai le Sau, Mulimuli Mai ia te A’u.

Vaiaso 1: Mosaea 4:9
Vaiaso 2: Mosaea 7:19
Vaiaso 3: Mosaea 16:9
Vaiaso 4: Mosaea 18:8–10