O Gaoioiga o le Sau, Mulimuli Mai ia te A’u

Mo afiafi faaleaiga po o le suesueina o tusitusiga paia—pe tau lava o se mea faafiafia!

Savali i Ona Tulagavae

Tamaitiiti o loo lolomi le alofivae

Mo Mosaea 4–6

Na tausia e le Tupu o Mosaea poloaiga ma “savali i ala o le Alii” (Mosaea 6:6). I luga o se fasipepa, tusi ai lou vae ma oti ese le siepi. Tusi i luga o lau tulagavae se auala e mafai ai ona e mulimuli ia Iesu. Tuu lou tulagavae i se mea e mafai ona e manatua e mulimuli ai i le faataitaiga a Iesu Keriso.

Mo tamaiti laiti: Alu se savaliga. Fai i lau tama e faataitai le laa i le mea e te laa ai. Talanoa pe mafai faapefea ona tatou mulimuli ia Iesu Keriso e ala i le faia o mea sa Ia faia, e pei o le fesoasoani atu i isi ma papatisoina.

Mulimuli i le Perofeta

Teineitiiti o loo tusitusi i le kesi

Mo Mosaea 7–10

Na aoao mai Amona e mafai e perofeta ona vaai i mea o le a oo mai (tagai Mosaea 8:16–17). Sue i le itulau e 2 e faitau ai le savali a Peresitene Nelson mai le konafesi aoao. O le a le mea na ia aoao mai ia i tatou? Tusi se ata e uiga i ai ma auina mai ia i matou i le Uo.

Mo tamaiti laiti: Usu le “Mulimuli i le Perofeta” (Tusipese a Tamaiti, 58) ma lau fanau. O taimi uma lava e te usuina ai le upu perofeta, faasino atu i se ata o le perofeta.

O Se Malamalama i le Pogisa

O tamaiti ma moliuila

Mo Mosaea 11–17

Sa aoao mai Apinati o Iesu Keriso “o se malamalama e le gata, e le mafai lava ona faapouliuligia” (Mosaea 16:9). Nana se mea faitino i totonu o le fale. Tape mōlī ma taumafai tagata uma e sue i le pogisa. Ona nana lea o le mea faitino ma taumafai e sue ao ola mōlī pe faaaoga mōlīuila. O lea le auala sa faigofie atu? E faapefea ona fesoasoani Iesu ia i tatou ia pei ona fesoasoani le mōlī ia te oe?

Mo tamaiti laiti: Tuu atu i lau tama e faataitai le kiina ma le tapē o se mōlīuila po o se lamepa. Ona talanoa lea pe faapefea ona avea Iesu Keriso ma se malamalama e le mafai lava ona natia pe tapeina.

E Lalagaina Loto i le Lotogatasi

Tamaiti o i ai fatu pepa

Mo Mosaea 18–24

Na aoaoina i tatou e Alema ina ia “fili faatasi o latou loto i le lotogatasi ma le alofa” (Mosaea 18:21). O lona uiga e tatau ona tatou galulue faatasi ma faaali atu le alofa i isi. Fai se manoa o fatu e faamanatu atu ai ia te oe! Oti ese ni fatu pepa ma tusi se igoa o se tagata o le aiga i luga o fatu taitasi. Fai se pu i fatu taitasi ma faaalu ai se manoa ina ia fesootai ai fatu. Tautau i luga a outou manoa o fatu i mea o le a outou vaai soo i ai!

Mo tamaiti laiti: Fesili i lau tama se mea se tasi latou te fiafia i ai e uiga i tagata taitoatasi o le aiga. Ta’u i lau tama se mea o loo ia faia e faaalia ai le alofa i isi!

Tala PDF

O ata na tusia e Katy Dockrill