“O le Faalogo i le Agaga Paia,” Uo, Me. 2024, 39.
Tusia e Oe
O le Faalogo i le Agaga Paia
I se tasi aso i le afiafi faaleaiga, sa talanoa ai lo’u tina e uiga i le Agaga Paia. Fai mai o ia e masani ona fetalai mai le Agaga Paia e ala i le tuuina atu ia te oe o se manatu i lou mafaufau.
Ina ua ia fai mai lena mea, sa ou matua te’i lava. I se taimi na muamua atu, sa ou tatalo ai ma ole atu i lo’u Tama Faalelagi e fesoasoani mai ia ou lagona le Agaga Paia. Ae ou te le’i iloa e mafai ona talanoa mai le Agaga Paia ia te a’u i lo’u mafaufau faapena. I lo’u olaga atoa sa i ai ni o’u mafaufauga na taialaina ai a’u e filifili le mea sa’o. O lenei la ua ou iloa o na mafaufauga na sau mai le Agaga Paia!
Talu mai lena taimi, ua ou matauina atili ai le Agaga Paia. O le Aso Sa na te’a nei, sa toe faia ai foi se matou afiafi faaleaiga. O le taimi la lea sa faatatau i molimau. Ou te le’i iloa tonu po o le a le molimau, o lea sa ou fesili ai i lo’u tama. Sa ia ta’u mai ia te a’u o se molimau o se mea e te iloa pe talitonu e moni. Sa ia fai mai e aumai a tatou molimau mai le Agaga Paia. Ona ou mafaufau lea i le ala na amata ai ona ou iloa atili le Agaga Paia, ma BOOM! Sa i ai foi sa’u molimau!
O le iloaina o lenei mea ou te lagona ai le fiafia sili atu. Ou te fia avea ma se soo sili atu o Iesu Keriso ma faalogo i taimi uma i le Agaga Paia.
Ata na tusia e Brenna Vaughan