“O Se Talanoaga ma Isabela e uiga i Feagaiga,” Uo, Me. 2024, 40–41.
O Se Talanoaga ma Isabela e uiga i Feagaiga
O Isabela e sau mai Alajuela, Costa Rica. Sa matou fesili atu ia te ia i ni fesili e uiga i le tausia o ana feagaiga o le papatisoga.
Ta’u mai ia i matou e uiga ia te oe lava ia.
E 13 o’u tausaga. Ou te fiafia e taalo soka, kuka, suisui, aau, ma auauna atu i isi. O la’u miti o le avea ma se fomai manu ona ou te fiafia e fesoasoani i manu. O a’u meaai e sili ona ou fiafia i ai o supokeli ma pizza, ma o le lanu e sili ona ou fiafia i ai o le viole.
E faapefea ona e tausia au feagaiga o le papatisoga?
Ou te salamo ma tagofia le faamanatuga i vaiaso taitasi. E i ai so’u valaauga i la’u vasega a Tamaitai Talavou, ma ou te taumafai e manatu mamafa i ai. Ou te tausia foi a’u feagaiga e ala i le auauna atu i isi.
O le a lau mea e fai e auauna atu ai i isi?
Ou te fiafia e fesoasoani i lo’u aiga. E masani ona ma taaalo ma lo’u tausoga e tolu tausaga, o Lina, a o galulue ona matua. Ou te fiafia e fesoasoani i o’u matua matutua pe a la manaomia a’u. Ou te fesoasoani foi i la’u uo i la’u vasega e suesue mo ana suega Farani i le aoga.
Faamatala mai nisi mea e uiga i lau valaauga.
O a’u o le fesoasoani muamua i la’u vasega a Tamaitai Talavou. O o’u tiute e aofia ai le auauna atu i tamaitai talavou. O lona uiga o le fesoasoani ia i latou i soo se mea latou te manaomia. Ou te alu i le vasega ma gaoioiga, ma ou te taumafai e avea ma se uo i isi teineiti o la’u vasega e le o mai.
O le a se fautuaga e te tuuina atu i se tasi mo sona valaauga muamua?
Ou te ta’u atu ia i latou e le tatau ona latou popole. O se valaauga ua na o se auala e mafai ona e fesoasoani ai i le galuega a le Tama Faalelagi. O le auala sili e fesoasoani ai i isi o lau faataitaiga lea!
Ata na tusia e Viviana Mineker