Ngāue Fakameaʻa ki he Palani ʻo e Fiefiá

ʻŪ tā fakatātā ʻa Marina Pessarrodona

Ngaohi ʻa e ngāue fakameaʻa ko ʻení ke tokoni atu ke ke akoʻi ʻa e palani ʻo e fiefia ʻa e Tamai Hēvaní. Te ke lava ʻo lau fekauʻaki mo e palani ko ʻení ʻi he ʻAlamā 18:36, 39 mo e ʻAlamā 22:8–16.

Kosi ʻi he laine motumotú ʻo toʻo ʻa e ʻū konga ʻi laló. Hokaʻi ha foʻi ava ʻi he siakale hinehina takitaha.
Nonoʻo ha afo ʻi he fanga foʻi avá ke fakafehokotaki ʻa e ʻū konga ʻoku ʻi ai e fakamatalá pea mo e fakatātā ʻoku kaunga ki aí. Toe nonoʻo ha afo ʻe taha ʻi he foʻi ava ʻi ʻolungá.
Nonoʻo ʻa e ʻū afó kotoa ki ha vaʻakau. Pea tautau leva hoʻo ngāue fakameaʻá ki ʻolunga.

Ko e Fakatupú. Naʻe fakatupu ʻe he ʻOtuá ʻa e langí mo e māmaní mo e meʻa kotoa pē ʻoku ʻi aí.

Ko e Hingá. Naʻe fili ʻe ʻĀtama mo ʻIvi ke na kai mei he ʻakau ʻo e ʻilo ʻo e leleí mo e koví. Naʻe lava heni ke na maʻu ai ha fāmili.

Moʻui ʻi he Māmaní. Naʻe fanauʻi kotoa kitautolu ki he māmaní ke tau ako mo tupulaki.

Ko e Fakalelei ʻa Sīsū Kalaisí. Naʻe hāʻele mai ʻa Sīsū Kalaisi ki māmani. Naʻá Ne ongoʻi kotoa ʻetau mamahí pea totongi ʻetau ngaahi angahalá, ko ha konga ia ʻo ʻEne Fakaleleí. Naʻá Ne pekia pea toe moʻui. Koeʻuhí ko Ia, te tau lava ʻo fakatomala pea toe nofo mo e Tamai Hēvaní hili ʻetau maté.