Tatau ai pē pe ʻokú ke kei talavou pe motuʻa, ko e meʻa faingataʻa ʻa e loto-mamahí. Ka ko e moʻuí—pea mo e ongoongoleleí—ʻoku fekauʻaki kotoa ia mo e akó mo e toó mo e toe feingá ʻi heʻetau feinga ke muimui ki he Tamai Hēvaní mo Sīsū Kalaisí. Lau ʻa e talanoa ʻo Leiná (peesi 36) pea talaange ki hoʻo fānaú ha taimi naʻe pau ai ke ke ngāue mālohi ke lavameʻa ʻi he tokoni ʻa e Tamai Hēvaní. ʻOku tokoni ʻa e ngaahi talanoa ko ʻení ke ʻiloʻi ʻe he fānaú te nau lava foki mo kinautolu ʻo fai ha ngaahi meʻa faingataʻa! Te ke lava foki ʻo fakaʻaongaʻi ʻa e ngaahi fakakaukau ʻi he peesi 38 Fakafonu fakataha ʻa e ngaahi meʻa ʻoku fakaʻataá pea tautau ʻa e pēsí ke tokoni ki he fāmilí kotoa.