“Ko e Fiefia ʻi he Akó,” Kaumeʻá, Siulai 2024, 32–33.
Kaumeʻa ki he Kaumeʻa
Ko e Fiefia ʻi he Akó
Mei ha ʻinitaviu mo ʻOlivia Kitameni mo Noueli Lamipeti Palasi.
Naʻe ʻikai ke u ongoʻi ko ha tokotaha ako lelei au ʻi heʻeku tupu haké. Naʻe poto kotoa hoku ngaahi tokouá mo e tuofāfiné. Naʻa nau maʻu ha maaka lelei. Naʻa nau toʻo ʻa e ngaahi kalasi faingataʻa tahá. Naʻe hoko atu pē ʻeku feinga ki he ngaahi kalasi faingataʻa tahá, ka naʻe ʻikai pē ke tali au. Naʻe faingataʻa ʻaupito ʻa e lēsoni fiká. Ko ia ne u fakakaukau, “Mahalo pē ʻoku ʻikai ke u poto.” Naʻe ʻikai ke u fakakaukau ʻe lava ʻo liliu ia.
Ka ʻi ha taʻu ʻe taha naʻe ʻi ai ha faiako naʻá ne ʻomi kiate au ʻa e loto-falala naʻá ku fiemaʻú. Naʻe mamata ʻeku faiakó ʻoku lahi hoku talēnití ʻo laka ange ia ʻi he meʻa naʻá ku mamata ki aí. Naʻá ne pehē mai, “Kalake, te ke lava ʻo hoko ko ha tokotaha ako lelei. ʻOku fiemaʻu pē ke ke falala kiate koe.”
Ko ia ai, naʻá ku toutou feinga pē. Naʻá ku ako fakamātoato ange. Naʻá ku feinga foki ke u toe mateuteu ange. Naʻá ku ako e founga ke muimuiʻi ʻaki ʻeku ngāue fakaako mei ʻapí. Naʻe tokoni hono tāmateʻi ʻo e TV ke u tokanga taha ki heʻeku ngāue fakaakó. Ne ʻikai fuoloa kuó u hoko ko ha tokotaha ako lelei ange. Pea naʻe tupulaki ʻeku loto-falalá.
ʻI heʻeku ʻalu ʻo ngāue fakafaifekaú, naʻá ku fakatokangaʻi naʻe ʻikai fiemaʻu ia ke u ako ʻiate au pē. Ne u kole ki he Tamai Hēvaní ke tokoni mai. Pea naʻá ku fakafanongo ki he Laumālie Māʻoniʻoní. ʻI heʻeku ngāue mālohí, ne u lava ai ʻo akoʻi mo tokoniʻi ʻa e kakaí. ʻI heʻeku foki mai mei heʻeku ngāue fakafaifekaú, naʻá ku ʻalu ki he ʻunivēsití. Naʻá ku lotua e tokoni ʻa e ʻOtuá ʻi he kalasi kotoa pē. Naʻá ku hoko ko ha tokotaha ako lelei ange pea kamata ke u saiʻia ʻi he fiká!
Naʻá ku fakakaukau naʻe ʻuhinga ʻa e ʻatamai potó ko ʻete ʻiloʻi ha meʻa lahi pea faingofua pē ʻa e akó. ʻOku ʻikai ke moʻoni ia. Kapau ʻokú ke loto-vilitaki ke fakakau ʻa e ʻEikí ʻi hoʻo akó mo ngāue mālohi ke ke fakalakalaka, pea ʻokú ke poto leva!
Kapau ʻoku faingataʻa ʻa e ngaahi meʻá he taimí ni, manatuʻi ko e fānau koe ʻa e ʻOtuá. ʻOku fakaofo ʻa e meʻa te ke malavá. Te ke lava ʻo fakahoko ʻa e ngaahi meʻa ʻoku faingataʻá. Hokohoko atu pē hoʻo akoakó. Kole tokoni ki he Tamai Hēvaní. ʻOkú Ne finangalo ke ke lavameʻa. Te ke lava ʻo fai ʻeni!
Ko Hono Ako ʻo e Fiefiá
Kumi ʻa e sīpinga kotoa pē ʻo e ʻū naunau akó ʻi he puha ʻi laló. Ko e hā ʻa e meʻa ʻokú ke saiʻia ke ako ʻi he ʻapiakó?
ʻŪ tā fakatātā ʻa Agnes Saccani