“Ko e Hā ʻa e Meʻa ʻOkú Ke Fakakaukau Ki Aí?” Kaumeʻá, Siulai 2024, 38.
Ko e Hā ʻa e Meʻa ʻOkú Ke Fakakaukau Ki Aí?
ʻOku ou fuʻu loto-mamahi mo ʻita ʻaupito ʻi he taimi ʻoku ʻikai hoko ai ʻa e ngaahi meʻá ʻo fakatatau mo e meʻa ne u fiemaʻú. Ko e hā ha meʻa te u lava ʻo fai?
—Loto-foʻi ʻi Kuepeki
ʻAlā Siʻi Loto-foʻi,
ʻOku tau ongoʻi loto-mamahi pe ʻita kotoa ʻi he taimi ʻoku ʻikai hoko ai ʻa e ngaahi meʻá ʻo hangē ko ʻetau fiemaʻú. Manatuʻi ʻoku ʻofa ʻa e Tamai Hēvaní mo Sīsū Kalaisi ʻiate koe pea ʻokú Na fiemaʻu ʻa e lelei tahá maʻau. Te Na lava ʻo tokoniʻi koe ʻi he ngaahi ongo faingataʻá. Ko e taimi ʻe niʻihi ʻoku tau tupulaki lelei taha ʻi he taimi ʻoku hoko ai e faingataʻá!
Kapau te ke kei ongoʻi loto-foʻi pē, talanoa ki ha taha lahi falalaʻanga. Hili iá peá ke ʻahiʻahiʻi ha taha ʻo e ngaahi fakakaukau ko ʻení. Hiki foki mo ha niʻihi ʻo hoʻo ngaahi fakakaukaú.
ʻE lelei ʻa e meʻa kotoa pē.
Ko e Kaumeʻá
Ko e Meʻa ʻe Lava Ke U Faí
-
Mihiʻi fakamanava lōloa hoʻo mānavá pea lotua ha tokoni.
-
Vaʻinga ʻi tuʻa pe fai ha meʻa kehe ke kiʻi mālōlō ai.
-
Tohi pe tā fakatātā ʻeku ngaahi ongó.
-
_________________________________________________
-
_________________________________________________
Ko e Meʻa ʻe Lava Ke U Lea ʻAkí
-
“ʻOku ʻofa ʻa e Tamai Hēvaní mo Sīsū Kalaisi ʻiate au pea te Na tokoniʻi au.”
-
“ʻOku ou kei ako pē, pea te u lava ʻo toe feinga pē.”
-
“ʻOku ou fai hoku lelei tahá, pea te u sai pē!”
-
_________________________________________________
-
_________________________________________________