Ko e Hā ʻa e Fakatapui ʻo e Temipalé?

ʻŪ tā fakatātā ʻa Rachel Erickson

ʻI he ʻosi hono langa ha temipale foʻou, ʻoku fai ʻe ha palōfita pe ʻaposetolo ha lotu mahuʻinga ke fakatapui, pe tāpuakiʻi, ʻa e temipalé. ʻOku vaheʻi ʻe he lotu ko ʻení ʻa e temipalé ke hoko ko ha feituʻu toputapu ʻe lava ke tau fai ai e ngāue ʻa e ʻOtuá. Kuo talaʻofa mai ʻe he kau palōfitá ʻe fakatapui ha ngaahi temipale ʻe laungeau ki he ʻEikí.

Temipale Managua Nicaragua

Ko e fuofua temipale ʻeni ʻi Nikalākuaá!
ʻI he 2012, naʻe ʻaʻahi atu ai ʻa ʻEletā Lāsolo M. Nalesoni ki Nikalākuā pea tapou ki he kakaí ke teuteu ki ha temipale. Naʻá ne pehē, “ʻOku ou palōmesi atu ko e taimi te ke mateuteu aí, ʻe fakahoko ʻe he ʻEikí ʻa ʻEne kongá koeʻuhí ke ʻi ai hamou temipale” (vakai, Liahona, Sune 2012, 77).

Temipale Singapore

Ko e fuofua temipale ʻeni ʻi he Lepapulika ʻo Singapoá.
ʻI he taʻu 2000, naʻe fakaafeʻi ai ʻe he palōfitá e kāingalotu ʻo e Siasí ʻi Singapoá ke nau teuteu ki ha temipale.
Kuo pau ke fononga ʻa e kāingalotú ki he ʻOtu Filipainí ke nau ō ki he temipalé, kae ʻoua leva kuo ʻosi ʻa e temipalé.