Mei he Kau Palesitenisī ʻUluakí

Vahevahe ʻa e Meʻa ʻOkú Ke Tui Ki Aí

Fai ʻe Palesiteni Henry B. Eyring

Tokoni ua ʻi he Kau Palesitenisī ʻUluakí

Toʻo mei he “Ko ha Fānau mo ha Ākonga,” Liahona, Mē 2003, 29–32.

Naʻe hoko ʻeku tamaí ko ha taha saienisi. Naʻá ku lau ha lea naʻá ne fai ki ha kulupu tokolahi. Naʻá ne lea ai ʻo kau ki he Fakatupú mo e Tupuʻangá ʻi heʻene talanoa kau ki he saienisí. Naʻá ku ʻiloʻi naʻe ʻi ai ha niʻihi tokosiʻi ʻi he kulupú naʻa nau tui tatau mo ia. Ko ia naʻá ku fifili mo pehē ange kiate ia, “Teti, naʻá ke vahevahe hoʻo fakamoʻoní.”

Naʻá ne sio mai kiate au ʻi heʻene ʻohovalé peá ne pehē mai, “Naʻá ku fakamoʻoni?” Naʻe teʻeki ai ke ne ʻiloʻi naʻá ne loto-toʻa. Naʻá ne lea ʻaki pē ʻa e meʻa naʻá ne ʻiloʻi ʻoku moʻoní.

Ko kitautolu kotoa pē kuo ʻosi papitaisó kuo tau palōmesi ke vahevahe ʻa e ongoongoleleí. Te tau lava ʻo lotu ʻi he tui ke ongoʻi ʻa e ʻofa ʻa e Fakamoʻuí kiate kitautolú pea mo e tokotaha kotoa pē ʻoku tau fetaulaki mo iá. Te ke fiefia ʻi he Siasi ʻo e ʻEikí mo ʻEne ngāué, pea ʻe ʻilonga pē ia. ʻE hoko hoʻo lea ʻaki ʻa e meʻa ʻokú ke tui ki aí ko ha konga ho tuʻunga totonú.

Ngaahi Founga Faingofua ke Vahevahé

Te ke lava ‘o vahevahe ʻa e ongoongoleleí ʻi ha ngaahi founga kehekehe! Hiki ʻa e meʻa te ke lava ʻo lea ʻaki ki he tokotaha takitaha ke vahevahe ʻa e meʻa ʻokú ke tui ki aí. Kuo ʻosi fakahoko ʻa e fika ʻuluakí maʻau.

Naʻe fēfē ʻa e fakaʻosinga ho uiké?

Sai! Naʻá ku ʻalu ki he lotú.

ʻOku tokolahi ha kakai ʻoku kehekehe ʻenau tui fakalotú. Ko e hā e meʻa ʻokú ke tui ki aí?

ʻOku puke ʻeku tetí. Te ke lotua nai ia?

Tā fakatātā ʻa Alyssa Tallent